احساس کیش پروگرام ملکی تاریخ کا سب سے بڑا پیکج ہے

شبین رضا

19th Apr, 2020. 03:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

احساس کیش پروگرام ملکی تاریخ کا سب سے بڑا پیکج ہے

شاہ محمود قریشی نے کہا ہے کہ متاثرین کے لیےاحساس ایمرجنسی کیش پروگرام ملکی تاریخ کا سب سے بڑا پیکج ہے۔

وزیر خارجہ شاہ محمود قریشی نے ملتان میں احساس کفالت سینٹرز کے دورے کے موقع پر میڈیا سے بات کرتے ہوئے کہا کہ ایک کروڑ 25 لاکھ خاندانوں میں 144 ارب روپے تقسیم کیے جا رہے ہیں اور متاثرین کو سیاسی وابستگی سے بالاتر ہو کر امداد دی جا رہی ہے۔

شاہ محمود قریشی نے کہا کہ ملتان میں قائم قرنطینہ بھی پاکستان کا سب سے بڑا مرکز تھا اور ملتان قرنطینہ مرکز میں پاکستان کے چاروں صوبوں کے افراد کی میزبانی کی گئی۔

وزیر خارجہ نے کہا کہ ڈیجیٹل سسٹم کے تحت امداد کا شفاف نظام اپنایا گیا ہے جبکہ ملتان میں متاثرین میں اب تک ایک ارب 36 کروڑ روپے تقسیم کیے جا چکے ہیں۔

واضح رہے کہ وزیر خارجہ شاہ محمود قریشی نے احساس کفالت سینٹر میں امدادی رقم کی ترسیل کے طریقہ کار کو چیک کیا اور متاثرین سے گفتگو کی۔