وزیراعظم کی معاون خصوصی ڈاکٹر فردوس عاشق اعوان نے کہا ہے کہ عمران خان نے عوام سے حقائق نہ چھپانے کا وعدہ کیاتھا اسے پورا کردیا ہے۔

تفصیلات کے مطابق معاون خصوصی ڈاکٹر فردوس عاشق اعوان نے پریس کانفرنس کرتے ہوئے بتایا ہے کہ آج وزیراعظم نے اپنے صوابدیدی اختیارات استعمال کرتے ہوئے وفاقی کابینہ میں رد و بدل کئے ہیں۔

ڈاکٹر فردوس کا کہنا تھا کہ عمران خان عوام کو مشکلات سے نکالنے کے لئے اور بایئس کروڑ عوام کو کرونا وائرس سے بچانے کے لئے کوشاں ہیں کیونکہ وزیراعظم اپنی ذمہ داریاں عوام کی امانت سمجھ کر ادا کر رہے ہیں اور ہم نے متحد قوم بن کر اس وبا کا سامنا کرنا ہے۔

انہوں نے کہا ہے کہ وزیراعظم عمران خان کرپشن کے وائرس کو ملک سے ہمیشہ کے لئے ختم کرنے اور اداروں کو با اختیار بنانے کے لئے کوشاں ہیں، جس کے لئے وزیراعظم نے کرپشن کے خاتمے کاوعدہ کر رکھا ہے۔

وفاقی کابینہ میں بڑے پیمانے پر ردوبدل

اپوزیشن پر بات کرتے ہوئے انہوں نے کہا ہے کہ اپوزیشن عمران خان کے اس اقدام پر انہیں کریڈٹ دیں کیونکہ ایسے جراتمندانہ فیصلوں کی ماضی میں مثال نہیں ملتی ہے۔

انہوں نے بتایا کہ گندم اور چینی کی تحقیقاتی رپورٹ حتمی رپورٹ منظر عام آنے کے بعد وزیراعظم ایکشن لینگے کیونکہ پالیسیوں کا مرکز کسی فرد واحد تک نہیں ہونا چاہیے۔

ڈاکٹر فردوس کا کہنا تھا کہ 25اپریل کو انکوائری کمیشن کی فرانزک رپورٹ کا انتظار ہے لیکن اس میں بھی اپوزیشن سیاسی دکان چمکانے کی کوشش کر رہی ہے۔

ان کا کہنا تھا کہ تاریخ میں پہلی بار کسی حکومت نے انکوایرئ رپورٹ اس طرح پبلک کی ہے کینکہ عوامی حقوق کے درمیان کوئی کھڑا ہوگا تو اسے برداشت نہیں کیا جائیگا۔

فردوس عاشق اعوان نے کہا کہ آج کی وفاقی تبدیلیوں کا مقصد حکمرانی کو بہتر بنانا ہے، وزیراعظم نے کسی شخص کی ذات یا سیاسی وفاداری پر فوکس نہیں کیا۔