اسکول نہ جانے والے بچوں کے لیے آج سے ٹیلی اسکول نشریات کا آغاز

شبین رضا

14th Apr, 2020. 11:35 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسکول نہ جانے والے بچوں کے لیے آج سے ٹیلی اسکول نشریات کا آغاز

فردوس عاشق اعوان کا کہنا ہے کہ ملک بھر میں لاک ڈاؤن کے باعث اسکول نہ جانے والے بچوں کے لیے آج صبح 8 بجے سے ٹیلی اسکول نشریات کا آغاز کر دیا ہے۔

تفصیلات کے مطابق وزیراعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا کورونا وبا کے باعث بچوں کا تعلیمی عمل معطل ہے، گھر بیٹھے بچے و دیگر طالبعلم تدریسی عمل سے استفادہ کریں گے، نشریات کا دورانیہ صبح 8 سے شام 6 بجے تک ہوگا، اول سے بارہویں جماعت تک کے طلبا مستفید ہوں گے۔

آج صبح آٹھ بجے سے پی ٹی وی نے ٹیلی اسکول نشریات کا باقاعدہ آغاز کر دیا گیا ہے۔وزارت تعلیم اور اطلاعات کے اشتراک سے شروع یہ منصوبہ عمران خان کے ملک میں تعلیم کے فروغ کے وژن کا مظہر ہے۔2/1#COVID2019 #Teleschool
— Dr. Firdous Ashiq Awan (@Dr_FirdousPTI) April 14, 2020

انہوں نے مزید بتایا کہ ٹیلی اسکول سے اسکول نہ جانے والے بچے بھی فائدہ اٹھائیں گے، یہ نشریات سیٹلائٹ اور اینٹینا دونوں کے ذریعے دیکھی جاسکیں گی۔

فردوس عاشق اعوان نے کہا ہے کہ ٹیلی سکول کی نشریات کا آج سے آغاز، منصوبہ عمران خان کے تعلیمی فروغ کے وژن کا مظہر ہے۔