کراچی بارہ بجے سے ساڑھے تین بجے تک مکمل بند ہوگا

شبین رضا

03rd Apr, 2020. 08:47 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی بارہ بجے سے ساڑھے تین بجے تک مکمل بند ہوگا

وزیر اطلاعات سندھ ناصر حسین شاہ نے کہا ہے کہ کراچی بارہ بجے سے ساڑھے تین بجے تک مکمل بند ہوگا۔

انہوں نے کہا کہ سندھ بھر میں ساڑھے تین گھنٹے کے لیے استثنی حاصل دکانیں بھی بند ہونگی۔ ان گھنٹوں کے دوران گاڑیوں کو بھی سڑک پر آنے کی اجازت نہیں دی جائے گے۔

کورونا کا پھیلاؤ روکنے کے لئے سندھ حکومت کا ایک اور اہم اقدام سامنے آگیا، آج صوبے بھر میں ساڑھے تین گھنٹے کے مکمل لاک ڈاؤن کا نوٹیفکیشن جاری کردیا۔

وزیر اطلاعات سندھ نے کہا کہ مساجد کھلی ہونگی اور آذان بھی ہوگی۔ تین سے پانچ افراد کو مساجد میں نماز ادا کرنے کی اجازت ہو گی۔ مساجد کا عملہ سماجی دوری رکھ کر نماز ادا کر سکتا ہے۔

انہوں نے کہا کہ انتظامیہ کو احکامات دے دیے ہیں جو اس پر مکمل عمل کرائے گی۔

محکمہ داخلہ سندھ نے 14 اپریل تک شاپنگ مالز، سنیما گھر، شادی ہالز، بینکوئٹ آڈیٹوریم، فارم ہاؤسز، ساحلی مقامات، الیکٹرونکس مارکیٹ اور سماجی تقاریب پر پابندی برقرار رکھنے کا فیصلہ کیا ہے۔

مقررہ مدت تک شورومز، بیوٹی پارلر سمیت تفریحی مقامات، انٹرسٹی اور انٹر پراوینس پبلک ٹرانسپورٹ بھی معطل رہے گی جبکہ تعلیمی ادارے 31 مئی تک بند رہیں گے۔