امریکی سفارت خانے کی جانب سے کراچی اور اسلام آباد کی پروازیں منسوخ کردی گئی ہے ۔
تفصیلات کے مطابق امریکی سفارت خانے کی جانب سے جاری کردہ بیان کے مطابق امریکی حکومت کے تعاون سے پروازیں امریکی شہریوں کی واپسی کے لیے چلانا تھیں اور پروازیں یکم اپریل کو کراچی اور اسلام آباد سے روانہ ہونا تھیں لیکن امریکی سفارت خانے نے اپنے شہریوں کو یکم اپریل کو ائرپورٹ جانے سے منع کر دیا۔
امریکی سفارت خانہسے جاری بیان میں مزید کہا گیا کہ ہم سمجھتے ہیں کہ یہ ایک حوصلہ شکن خبر ہے، فی الوقت ہمیں علم نہیں ہے کہ آیندہ پروازکب ہو گی تاہم ہم اسی ہفتے کے آخر میں اس کے لیے کوشیش کریں گے اور مزید معلومات ای میل اور فون کال کے زریعہ فراہم کی جاے گی۔
خیال رہے کہ حکومت نے کورونا وائرس کی روک تھام کے پیش نظر 21 مارچ کو 8 بجے شب سے 4 اپریل تک بین الاقوامی فضائی آپریشن معطل کر دیا تھا، غیر ملکی فلائٹ آپریشن معطل ہونے کے باعث بیرون ممالک میں پاکستان آنے والے مسافر بھی ائیرپورٹس پر پھنس گئے تھے جس کے لیے انہوں نے حکومت سے اپیل کی تھی کہ وہ کوئی موثر قدم اٹھائے۔
واضح رہے کہ ملک میں کورونا وائرس کے آج 158 افراد میں مہلک وائرس کی تشخیص ہوئی جن میں سندھ سے 110 ، پنجاب میں 18 ، بلوچستان میں 6 اور گلگت بلتستان میں 24 کورونا وائرس کے کیسز کی تصدیق ہوئی ہے جس کے بعد ملک بھر میں متاثرہ افراد کی تعداد 1965 تک پہنچ گئی ہے۔