کراچی میں لاک ڈاؤن کو تقریبا مہینہ پورا ہونے والا ہے مگر شہرقائد کے شہری ابھی تک لاک ڈاؤن کے مطلب کو ہی نہیں سمجھ سکے۔

تفصیلات کے مطابق جگہ جگہ ناکوں کے باوجود شہریوں کی بہانے با زیاں جاری وساری ہیں اور وہ گھروں سے نکل بھی رہے ہیں۔

دنیا بھر میں کورونا وائرس کے پھیلاو کو روکنے کیلئے لاک ڈاون کی حکمت عملی اپنائی گئی اور اس سے مو ثر نتا ئج بھی حا صل ہو ئے جس کی تا زہ مثال چین ہے۔

 شہریوں کی بہانے بازی سے متعلق ماہرنفسیات کہتے ہیں سماجی دوری کا لفظ ہی غلط ہے، عوام کو سماجی نہیں جسمانی دوری سے متعلق آگاہی دی جائے، کورونا ایک حقیقت ہے مگر جعلی خبریں زیادہ خوف پھیلنے کا باعث بن رہا ہے۔

پاکستان میں کورونا وائرس کے کیسز کی تعداد ہزاروں میں چلی گئی ہے اگر شہریوں نے خود احتیاط نہ کی تو شاید حکومت بھی بے بس ہوجائے گی۔

پاکستان کی صورتحال بیشک دیگر ممالک جیسی خراب نہیں لیکن اطمینان بخش بھی نہیں۔

کورونا سے بچنے کا واحد علاج سب سے پہلے آپ کے ہاتھ میں ہے، گھر میں رہیے، محفوظ رہیے کیونکہ افسوس احتیاط سے بہترہے۔

واضح رہے کہ پاکستان میں کورونا وائرس سے مزید 14 افراد جاں بحق ہوگئے جس کے بعد ہلاکتوں کی مجموعی تعداد 159 ہوگئی جب کہ نئے کیسز سامنے آنے کے بعد متاثرہ مریضوں کی تعداد 7993 تک پہنچ گئی۔