کراچی کے 41 مقامی شہریوں میں کورونا وائرس کی تصدیق ہوئی ہے، جس کے سندھ میں کورونا وائرس کے مریضوں کی مجموعی تعداد ایک ہزار 4 سو 52 ہو گئی ہے۔
ترجمان محکمہ صحت سندھ سے جاری کردہ بیان کے مطابق سندھ میں کورونا وائرس کے مزید 41 کیسز سامنے آئے ہیں جس کے بعد صوبے میں کل کیسز کی تعداد 1452 تک پہنچ گئی جبکہ ملک بھر میں کرونا سے متاثرہ افراد کی تعداد 5000 سے تجاوز کر گئی ہے۔
ترجمان محکمہ صحت سندھ نے کہا کہ آج کراچی میں کورونا وائرس کےمزید 41 مریض سامنےآ گئے ، تمام افراد رابطوں کے زریعے کورونا وائرس سے متاثر ہوئے جبکہ کراچی سے 64 سالہ خاتون زندگی کی بازی ہار گئی جس کے بعد سندھ میں کورونا وائرس کی وجہ سے 31 اموات ہو چکی ہیں ۔
محکمہ صحت سندھ کی ترجمان کا یہ بھی کہنا تھا کہ سکھر سے 23 زائرین کو صحتیابی کے بعد ڈسچارج کر دیا گیا ہے جبکہ کراچی سے کورونا وائرس کے 7 مریض صحتیاب ہوئے ہیں جس کے بعد سندھ سے اب تک4 سو 19 مریض صحتیاب ہو چکے ہیں
کراچی میں کورونا وائرس کے کیسز میں مسلسل اضافہ
ترجمان محکمہ صحت سندھ کا مزید کہنا تھا کہ سندھ سے اب تک 13 ہزار 8 سو 40 ٹیسٹ کئے گئے ہیں جبکہ ایک ہزار ایک سو 6 مقامی شہریوں میں کورونا وائرس منتقلی کی تصدیق ہوئی ہے اور کورونا وائرس کے ایک ہزار 2 سو 50 زیر علاج ہیں۔
یاد رہے اس سسے قبل وزیرصحت عذرا پیچوہو نے بی بی سی کو انٹرویو دیتے ہوئے کہا تھا کہ ہمارے پاس اس وقت 2200ٹیسٹ کی صلاحیت موجود ہےجبکہ اگلے ہفتے تک 8ہزار ٹیسٹ کرنے کی کوشش کررہے ہیں۔
اپنے پیغام میں صوبائی وزیرصحت عذرا پیچوہو نے مزید کہا تھا کہ ہمارے پاس ٹیسٹ کرنے والی بہت سی چیزوں کی کمی ہے،2200کی صلاحیت کے باجود اس وقت ہم دن میں 400سے500ٹیسٹ کرپارہے ہی، امید ہے کچھ ٹیسٹنگ کٹس ایم ڈی ایم اور دیگر اداروں سے ملیں گیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News