ذخیرہ اندوز ہو جائیں تیار،سخت سزائیں متوقع

شبین رضا

17th Apr, 2020. 09:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ذخیرہ اندوز ہو جائیں تیار،سخت سزائیں متوقع

وفاقی حکومت نے ذخیرہ اندوزوں کےخلاف گھیرا تنگ کرنے کے لیے سخت سزاؤں پر مشتمل آرڈی ننس تیارکر لیا ہے۔

ذرائع کے مطابق کہ مجوزہ آرڈی ننس کو منظوری کے لیے کابینہ اراکین کوبھیج دیا گیا ہے۔ کابینہ سے منظوری کے بعد مجوزہ آرڈی ننس کو صدر مملکت کے پاس دستخط کے لیے بھجوایا جائے گا۔

صدر مملکت ڈاکٹر عارف علوی کی جانب سے دستخط کیے جانے کے بعد آرڈی ننس کا اجرا ہو گا۔

مجوزہ آرڈیننس میں ذخیرہ اندوزی کرنے والے افراد کو تین سال قید اور ضبط شدہ مال کی مالیت کا پچاس فیصد بطورجرمانہ عائد کیا جائے گا۔

آرڈیننس میں چائے، چینی، دودھ، پاؤڈر ملک، شیر خوار بچوں کی خوراک، خوردنی تیل، بوتل شدہ پانی، فروٹ جوس، شربت، نمک، آلو، پیاز، دالیں، مچھلی، گوشت، انڈے، گڑ، مصالحہ جات، سبزیاں ، سرخ مرچ، دوائیاں، مٹی کا تیل، چاول ، گندم اور آٹا، کیمیکل والی کھاد، پولٹری فوڈ، سرجیکل دستانے، ماسک بشمول این 95 ماسک، سینیٹائزر، جراثیم کش ادویات، ماچس اور آئی سو پروپائل الکوحل کی ذخیرہ اندوزی کی نشاندہی کی گئی ہے۔

مجوزہ آرڈی ننس کے تحت ذخیرہ اندوزی کرنے والوں کی نشاندہی کرنے والے افراد کو بھی ضبط کی جانے والی اشیا کی مالیت کا دس فیصد بطور انعام دیا جائے گا۔