مجبوری نہ ہوتی تو ہم صنعت کا پہیہ کبھی نہ روکتے،وزیرِ اعلیٰ سندھ

شبین رضا

06th Apr, 2020. 10:05 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مجبوری نہ ہوتی تو ہم صنعت کا پہیہ کبھی نہ روکتے،وزیرِ اعلیٰ سندھ

وزیراعلیٰ سندھ نے کہا کہ یہ مجبوری نہ ہوتی تو ہم صنعت کا پہیہ کبھی نہ روکتے، ہم فیکٹریاں کھولنا چاہتے ہیں۔

صنعتکاروں کی جانب سے فیکٹریاں کھولنے کی درخواست پر وزیرِ اعلیٰ سندھ سید مراد علی شاہ نے ایس او پیز بنانے کی ہدایات جاری کردیں۔

وزیراعلیٰ سندھ مراد علی شاہ نے کورونا وائرس کے باعث لاک ڈاؤن کے دوران بند کی گئیں صنعتوں کو دوبارہ کھولنے کیلئے ڈاکٹروں، صوبائی سیکریٹریز، پولیس اور رینجرز کے نمائندوں پر مشتمل ایک کمیٹی تشکیل دی جو طریقہ کار وضع کرے گی۔

ترجمان وزیراعلیٰ سندھ مرتضیٰ وہاب کے مطابق اجلاس میں صوبائی وزرا ڈاکٹر عذرا پیچوہو، سعید غنی، ناصر حسین شاہ، چیف سیکریٹری سید ممتاز علی شاہ، اکرام اللّٰہ دھاریجو، آئی جی سندھ پولیس مشتاق مہر، سیکریٹری داخلہ، ایڈیشنل آئی جی کراچی، کور 5 کے بریگیڈیئر سمیع، وزیراعلیٰ سندھ کے پرنسپل سیکریٹری ، سیکریٹری انڈسٹریز، سیکریٹری انویسٹمنٹ اور دیگر شریک ہوئے۔

اجلاس کی صدارت کرتے ہوئے وزیراعلیٰ نے کہا کہ صنعتکاروں خاص کر برآمدی اشیا تیار کرنے والےصنعتکاروں سے ملاقات ہوئی اور انہوں نے درخواست کی ان کی فیکٹریوں کو دوبارہ کام شروع کرنے کی اجازت دی جائے۔

وزیراعلیٰ سندھ نے محکمہ محنت، صنعت، صحت اور قانون نافذ کرنے والے اداروں کو ہدایت کی کہ وہ اس سلسلے میں جلد از جلد ایس او پیز تیار کریں تاکہ فیکٹریاں کھولی جاسکیں۔