‎ پاکستان مسلم لیگ (ن) کی ترجمان مریم اورنگزیب نے کہا ہے کہ وزیراعظم کے منہ پر کرپشن کی کالک لگ چکی ہے،حکومتی ترجمان اپنے جھوٹ سے دوسروں پر ملنے کی ناکام کوشش نہ کریں

‎تفصیلات کے مطابق پاکستان مسلم لیگ (ن) کی ترجمان مریم اورنگزیب نے اپنے ایک بیان میں کہا کہ حکومتی ترجمان کی پریس کانفرنس ، ایف آئی آئے کی آٹا اور چینی چوری کے حقائق سے برعکس ہے۔

پاکستان مسلم لیگ (ن) کی ترجمان نے کہا کہ ‎حکومتی ترجمان کی رپورٹ الگ جبکہ ایف آئی اے کی رپورٹ الگ ہے ،‎حقائق مسخ کرنے سے وزیراعظم اور وزیراعلی پنجاب کی چوری چھپ نہیں سکتی۔

مریم اورنگزیب نے  یہ بھی کہا کہ ماضی کی حکومتوں کا نام لے کر اب عمران صاحب اور بزدار صاحب کی چوری کوئی حکمران نہیں چھپا سکتا، نواز شریف اور شہباز شریف کے دور میں کسی کی جرات نہیں تھی عوام کے حق پہ ڈاکا ڈالنے کی۔

کورونا وائرس کا شکلیں تبدیل کرنے کا پہلو باعث تشویش ہے، مریم اورنگزیب

پاکستان مسلم لیگ (ن) کی ترجمان کا کہنا تھا کہ ‎جن اے ٹی ایمز سے وزیراعظم کا کچن چلتا ہے، پارٹی کی فنڈنگ ہوتی ہے، انہیں کو وزیراعظم نے فائدہ پہنچایا،‎عمران صاحب اپنی ہر چوری پکڑے جانے پر آخر کب تک شریف خاندان پر جھوٹے الزامات کے پیچھے چھپتے رہیں گے۔

‎ مریم اورنگزیب کا کہنا تھا کہ حکومتی ترجمان آٹا چینی چوری کی ایف آئی اے کی رپورٹ کو غلط رپورٹ کر کے حقائق چھپا نہیں سکتے،‎شریف خاندان نے ایک روپے کی سبسڈی لی نہ چینی ایکسپورٹ کی۔

‎ مریم اورنگزیب کا یہ بھی کہنا تھا کہ ایف آئی اے رپورٹ میں شہبازشریف کا نام نہیں ، نہ ہی وہ اس وقت حکومت میں ہیں جبکہ ‎رپورٹ میں وزیراعظم عمران خان، عثمان بزدار، جہانگیرترین اور خسرو بختیارکا نام ہے۔

پاکستان مسلم لیگ (ن) کی ترجمان مریم اورنگزیب کا مزید کہنا تھا کہ ‎حکومتی ترجمان کو اب جھوٹے الزامات لگانے سے پہلے سپریم کورٹ اور اسلام آباد ہائیکورٹ کے تمام فیصلے پڑھنے چاہئیے،‎ثبوت دینے کی جب باری آئی نیب نیازی گھٹ جوڑ عدالتوں سے فرار ہوگئی۔