لاک ڈاون میں نرمی ، مارکیٹوں میں عید شاپنگ کے لیے رش بڑھنے لگا

شبین رضا

13th May, 2020. 10:08 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاک ڈاون میں نرمی ، مارکیٹوں میں عید شاپنگ کے لیے رش بڑھنے لگا

ملک بھر میں لاک ڈاون میں نرمی کے بعد مارکیٹوں میں عید شاپنگ کے لیے رش بڑھ گیا ہے۔

تفصیلات کے مطابق کورونا ایڈوائزری گروپ نے حکومت پر زور دیا ہے کہ وہ ایس او پیز پر سختی سے عمل کرائے کیونکہ مارکیٹوں اور دکانوں پر ایس اوپیز کو نظر انداز کرنے سے صورتحال خراب ہو چکی ہے، عیدالفطر تک کیسز بڑھیں گے۔

ذرائع کے مطابق کورونا ایڈوائزری گروپ نے خطرے کی گھنٹی بجاتے ہوئے خبر دار کیا ہے کہ احتیاط اور سختی ہی کورونا سے بچنے کا واحد طریقہ ہے۔

دوسری جانب لاک ڈاؤن کھلنے سے کیسز بڑھ چکے ہیں جبکہ بازار کھلنے سے کورونا کی منتقلی کا عمل بھی بڑھ گیا ہے۔

ادھر وائس چانسلر یونیورسٹی آف ہیلتھ سائنسز ڈاکٹر جاوید اکرم نے بھی خبردار کیا ہے کہ عید تک کیسز میں ریکارڈ اضافہ ہو سکتا ہے۔

عید کے بعد حکومت کو دوبارہ سخت لاک ڈاؤن کی طرف جانا پڑ سکتا ہے۔

پروفیسر جاوید اکرم نے مزید کہا کہ مارکیٹوں اور دکانوں کو دن میں دو بار کلورینیٹ کیا جائے، فاصلے نہ رکھے گئے توشدید مشکل میں آ سکتے ہیں۔

واضح رہے کہ بازار وائرس کے پھیلاؤ کا سبب بن رہے ہیں، جولائی تک کیسز کی تعداد میں تیزی سے اضافہ ہو گا، محفوظ رہنے کیلئے پہلے سے زیادہ احتیاط کی ضرورت ہے۔