حکومت نے ہر اہم معاملے میں علماء و مشائخ سے رہنمائی حاصل کی ہے۔

حکومت نے ہر اہم معاملے میں علماء و مشائخ سے رہنمائی حاصل کی ہے، وزیراعظم

عروبہ خان

20th May, 2020. 02:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت نے ہر اہم معاملے میں علماء و مشائخ سے رہنمائی حاصل کی ہے، وزیراعظم

وزیراعظم عمران خان نے کہا ہے کہ حکومت نے ہر اہم معاملے میں علماء و مشائخ سے رہنمائی حاصل کی ہے۔

تفصیلات کے مطابق وزیر اعظم عمران خان سے تحریک انصاف کے مرکزی سیکرٹری برائے مذہبی امور پیر سید حبیب عرفانی اور علمائے کرام کی ملاقات ہوئی ہے۔

وزیراعظم عمران خان ملاقات میں علمائے کرام میں پیر سید اسرار الحق نظامی، پیر توصیف النبی مجددی، علامہ عظمت حسین شاہ اور علامہ محمد اصغر شامل رہے ہیں۔

ملاقات میں کوروناوباءکے تناظر میں موجودہ حالات میں علمائے کرام کے کردار پر بات چیت کی گئی اور عوام میں حفاظتی تدابیر کے فروغ میں علمائے کرام کے کردار کے حوالے سے تبادلہ خیال بھی کیا گیا ہے۔

وزیراعظم سے ملاقات میں مسجدوں، درگاہوں اور خانقاہوں کے معاملات کے بہترانتظام کے حوالے سے بھی بات چیت۔علمائے کرام کی جانب سے مختلف تجاویز وزیرِ اعظم کو پیش کی گئی ہے۔

وزیراعظم عمران خان کا کہنا تھا کہ کورونا کے حوالے سے آگاہی پھیلانے خصوصاً عوام کو حفاظتی تدابیر اختیار کرانے کی ترغیب دینےمیں علمائے کرام کا کلیدی کردار ہے اور حکومت نے ہر اہم معاملے میں علماء و مشائخ سے رہنمائی حاصل کی ہے۔

انہوں نے کہا کہ حکومت علما کرام کی مشاورت اور رہنمائی سے ہی معاملات میں پیش رفت کرنے پر یقین رکھتی ہے۔