وزیراعلیٰ پنجاب عثمان بزدار نے چاند رات اور عید پر شہریوں سے سماجی فاصلے برقرار رکھنے کی اپیل کر دی۔

وزیراعلیٰ پنجاب سردار عثمان بزدارسے صوبائی وزیر صحت ڈاکٹر یاسمین راشد کی ملاقات ہوئی جس میں کورونا وباء سے نمٹنے کے لئے کئے جانے والے اقدامات پر تبادلہ خیال کیا گیا جبکہ حکومت کی جانب سے احتیاطی تدابیر اور حفاظتی اقدامات پر بات چیت کی گئی۔

ملاقات میں صوبائی وزیر صحت ڈاکٹر یاسمین راشد نے کورونا کی روک تھام کے لئے کئے جانے والے اقدامات اورعلاج معالجے کی سہولتوں کے بارے میں آگاہ کیا۔

وزیراعلیٰ پنجاب  عثمان بزدار نے  جاری کردہ ایس او پیز پر موثر انداز میں عملدرآمد کی ہدایت  کرتے ہوئے کہا کہ حکومت اپنی ذمہ داری نبھا رہی ہے، شہریوں کو بھی احتیاط کا دامن ہاتھ سے نہیں چھوڑنا چاہیے۔

ڈاکٹر یاسمین راشد  سے ملاقات میں عثمان بزدار نے کہا کہ کورونا کے خلاف جنگ صبر وتحمل اور دور اندیشی سے لڑ رہے ہیں ، زندہ قومیں آزمائش میں ہی بہتر راستے نکالتی ہیں ۔

 وزیراعلیٰ پنجاب نے کہا کہا شہریوں کواپنی ذمہ داری فرض سمجھ کر نبھانی چاہیے، ٹرانسپورٹ او رٹرین چلنے سے معاشی سرگرمیاں بحال ہورہی ہیں لیکن احتیاط بہت ضروری ہے۔

وزیراعلی پنجاب کا حامد میر کو لیگل نوٹس

 سردار عثمان بزدار نے یہ بھی کہا کہ کورونا کی وباء کا پھیلاؤ روکنے کیلئے عوام کا تعاون بے حد اہمیت کاحامل ہے۔

 وزیراعلیٰ پنجاب سردار عثمان بزدار نے مزید کہا کہ شہریوں کی جانب سے ایس او پیز پرعملدرآمد کرنے سے ہی حکومتی کوششیں بار آور ثابت ہوں گی  جبکہ اجتماعی طو رپر اپنا طرز زندگی اور سوچ کو بدلنا ہوگا۔