فیاض الحسن چوہان نے کہا ہے کہ وزیراعظم پر لیگی ترجمانوں کی تنقید آسمان پر تھوکنے کے مترادف ہے۔
تفصیلات کے مطابق وزیرِ اطلاعات پنجاب فیاض الحسن چوہان نے مسلم لیگ ن کی ترجمان مریم اورنگزیب کے بیان پرردعمل دیتے ہوئے کہا کہ ن لیگ کے ایک قائد اشتہاری ہونے کا تمغہ لیے لندن میں بیٹھے ہیں، تو دوسرے قائد لندن سے شرمندہ ہو کر پاکستان اپنے ڈرائنگ روم میں قید ہیں۔
وزیرِ اطلاعات پنجاب نے کہا کہ وزیراعظم پر لیگی ترجمانوں کی تنقید آسمان پر تھوکنے کے مترادف ہے ،شریف برادران نے اپنے ادوار حکومت میں ایک بھی عید پاکستان میں نہیں کی، گرفتاری کے بعد مجبوراً شریف برادران کو 2017 میں عید پاکستان کرنی بڑی، وزیرِ اعظم عمران خان نے چھٹیاں گزارنے کے لیے اپنے ہی ملک کو ترجیح دی ہے۔
فیاض الحسن چوہان نے مزید کہا وزیرِ اعظم عمران خان عید کی چھٹیوں کے دوران بھی امورِ مملکت احسن طریقے سے چلا رہے ہیں، ن لیگی ترجمان کسی ٹھوس دلیل کی غیر موجودگی میں آئیں بائیں شائیں کرنے سے گریز کریں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
