صدر پیپلزپارٹی سندھ نثار کھوڑو
پیپلز پارٹی سندھ کے صدر نثار کھوڑو کو نیب سکھر نے بدھ چھ مئی کو طلب کرلیا ہے۔
نیب ذرائع کے مطابق صوبائی مشیر نثار کھوڑو کو ادھار پر دی گئی گندم کے پیسے واپس نہ ہونے پر تحقیقات کے لیے طلب کیا گیا ہے۔
نیب ذرائع کا کہنا ہے کہ محکمہ خوراک سندھ میں گندم خردبرد ہونے کے کیس میں پیپلز پارٹی سندھ کے صدر نثار کھوڑو کو کل بیان ریکارڈ کرانے کے لئے طلب کیا گیا ہے۔
نیب ذرائع کا مزید کہنا ہے کہ نثار کھوڑو پر وزیر خوراک سندھ کی حیثیت سے اربوں روپے کی گندم ادھار پر فلور ملز کو دینے کا الزام ہے، اسی معاملے کی تحقیقات کے لئے پی پی رہنما کو کل طلب کیا گیا ہے۔
یاد رہے اس سےقبل قومی احتساب بیورو (نیب) نے سندھ میں ہونے والے سب سے بڑے گندم اسکینڈل میں بڑی کامیابی حاصل کرتے ہوئے 10 ارب روپے سے زائد کی وصولی کرلی تھی۔
Advertisement
سندھ گندم اسکینڈل میں نیب کی بڑی کامیابی
گندم اسکینڈل میں ملز مالکان اور سندھ کا محکمہ خوراک ملوث ہے جبکہ سندھ کے 9 اضلاع سے 4 لاکھ 87 ہزار ٹن گندم خردبرد کی گئی جبکہ سندھ کے گوداموں سے 15 ارب روپے مالیت کی گندم چوری کی گئی تھی۔
نیب کے ایکشن پر ملز مالکان سمیت دیگر ملزمان نے 10 ارب روپے کی پلی بارگین کرلی ہے۔
قومی احتساب بیورو سکھر نے گندم اسکینڈل پر 4 کرپشن ریفرنسز احتساب عدالتوں میں دائر کردیے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
