وفاقی وزیر مواصلات مراد سعید نے کہا ہے کہ جتنا مرضی شور مچالیں، نجات کی کوئی سبیل باقی نہیں۔

تفصیلات کے مطابق  وفاقی وزیر مواصلات مراد سعید نے مسلم لیگی رہنماؤں کی پریس کانفرنس پرردعمل دیتے ہوئے کہا کہ عجیب زمانہ ہے کہ جن پر چوری کے سنگین الزامات ہیں وہ قوم کو بھاشن دیتے ہیں۔

وفاقی وزیر مواصلات نے کہا کہ شاہد خاقان عباسی اور احسن اقبال دونوں ہی نیب کو مطلوب اور دونوں پر اربوں روپوں کی خرد برد کا الزام ہے، پھر یہ دونوں ہی کیوں انکے قائد عدالت سے باضابطہ طور پر کرپٹ اور بددیانت ہونے کا پروانہ حاصل کرچکے ہیں۔

مراد سعید نے یہ بھی کہا کہ میاں نواز شریف کو جے آئی ٹی، احےساب عدالت اور سپریم کورٹ میں مہینوں موقع دینے کے بعد بددیانت اور کرپٹ قرار دیکر وزارت عظمیٰ سے الگ کیا گیا۔

وفاقی وزیر مواصلات کا کہنا تھا کہ بڑے میاں تو بڑے چھوٹے میاں بھی کسی سے پیچھے نہیں، وزیراعظم کے معاون خصوصی شہزاد اکبر نے چھوٹے میاں کی پوری واردات کل قوم کو مراد سعید کا یہ بھی کہنا تھا کہ شہزاد اکبر کی پریس کانفرنس کے بعد صداگیر بگل بجانے نکل کھڑے ہوئے ہیں، کبھی پارلیمان کے اندر اور کبھی میڈیا کے سامنے شور مچا رہے ہیں کہ کسی طرح امان مل جائے۔

احتساب قانون کے مطابق ہونا چاہیے ، شاہد خاقان عباسی

انھوں نے کہا کہ رسیدیں اور ثبوت نہ انکے پاس ہیں نہ انکے بڑوں کے پاس تھے، پورا پورا ٹبر چوری میں ملوث اور جماعت کے سرکردہ رہنما کرپشن کی بہتی گنگا میں ہاتھ دھوتے رہے ہیں۔

مراد سعید نے یہ بھی کہا کہ لندن سے جو صاحب کوروناء سے لڑنے آئے تھے وہ لیپ ٹاپ کے سامنے تصویر کھنچوا کر رفو چکر ہوگئے، موصوف نیب کو ملتے ہیں نہ پارلیمان میں دکھائی دیتے ہیں۔

وفاقی وزیر مواصلات مراد سعید نے مزید کہا کہ نیب زدہ درباری قوم کو گمراہ کرنے کی بجائے خود پر لگنے والے الزامات کا جواب دیں، چپڑاسیوں کے کھاتوں میں چھپائی گئی دولت قوم کو واپس مل کررہے گی۔