امیر جماعت اسلامی پاکستان سینیٹر سراج الحق نے کہا ہے کہ وفاق اور صوبوں میں جاری کشمکش اور چپقلش سے نقصان عوام کا ہورہا ہے۔

تفصیلات کے مطابق امیر جماعت اسلامی پاکستان سینیٹر سراج الحق نے اپنے ایک بیان میں کہا کہ عالمی مارکیٹ میں پٹرولیم مصنوعات کی قیمتوں میں تاریخی گراوٹ کا فائدہ عوام تک نہیں پہنچنے دیا گیا ، حکومت اوگرا کی سفارش پر تیل کی قیمتوں میں اضافہ زیادہ کردیتی ہے۔

اپنے بیان میں سراج الحق نے یہ بھی کہا کہ ہماری حکومت کی اب بھی کوئی واضح پالیسی سامنے نہیں آئی، دنیا بھر میں لاک ڈائون نرم ،کاروبار،فیکٹریاں او رکارخانے چالو ہورہے ہیں۔

امیر جماعت اسلامی پاکستان سینیٹر سراج الحق نے مزید کہا کہ عوام کی پریشانیاں اور مشکلات ناقابل بیان حد تک بڑھ چکی ہیں، مشکل کی گھڑی میں جماعت اسلامی اور الخدمت فائونڈیشن کے رضا کاروں نے دلجمعی سے قوم کی خدمت کی ہے۔

حکومت کی ڈانواڈول پالیسی سے کورونا عام ہورہا ہے ، سراج الحق

واضح رہے اس سے قبل امیر جماعت اسلامی سینیٹر سراج الحق نے اپنے ایک بیان میں کہا تھا کہ حکومت خود فیصلہ کرنے کی صلاحیت نہیں رکھتی اور علماء کے خلاف پروپیگنڈہ کیا جارہا ہے جبکہ حکومتی رویہ لوگوں کو مایوسی اور نا امیدی کی دلدل میں دھکیل رہا ہے

سراج الحق نے یہ بھی کہا تھا کہ عوام حکومت کی طرف سے اعلان کردہ تمام احتیاطی تدابیر کی پوری پابندی کریں جبکہ لوگوں تک راشن ، سینی ٹائزر ،ماسک اور دیگر ضروری اشیاءمہیا کرنا نیکی کے کام ہیں۔

امیر جماعت اسلامی سینیٹر سراج الحق نے مزید کہا تھا کہ فیصلے کرنا حکومت کا کام ہے اپنی ناکامیوں پر علماء کوموردالزام ٹھہرانا درست نہیں ، اگرواقعی فیصلے علماءکرر ہے ہیں تو وزارت عظمیٰ کسی عالم دین کے حوالے کریں۔