گورنرسندھ عمران اسماعیل بالآخر مان گئے

شبین رضا

15th May, 2020. 04:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گورنرسندھ عمران اسماعیل بالآخر مان گئے

گورنر سندھ عمران اسماعیل بالاخر مان گئے اور انھوں نے سندھ کورونا ریلیف آرڈیننس کی منظوری دے دی۔

تفصیلات کے مطابق گورنر سندھ عمران اسماعیل نے سندھ کورونا ایمرجنسی ریلیف آرڈیننس پر دستخط کردئیےاوریہ فوری طور پر نافذ العمل ہو گا۔

ذرائع کے مطابق کورونا ایمرجنسی ریلیف آرڈیننس کےتحت دکان،مکان،دفتر کے کرایوں کی ادائیگی موخر ہوگی۔

واضح رہے کہ اس سے قبل گورنر سندھ نے سندھ ایمرجنسی ریلیف آرڈیننس پر اعتراض عائد کیا تھا۔

سندھ حکومت نے اعتراضات دور کرکے آرڈیننس دوبارہ منظوری کے لئے گورنر سندھ کو ارسال کیا تھا۔

گورنر سندھ کا اعتراض تھا کہ گیس اور بجلی کا معاملہ وفاقی حکومت کے دائرہ کار میں آتا ہے۔

سندھ حکومت نے گیس اور بجلی کی رعائت کا معاملہ آرڈیننس سے خارج کردیا تھا۔

کورونا ایمرجنسی ریلیف آرڈیننس کے تحت پانی کے بل میں رعایت کا اطلاق ہوگا۔ کسی بھی ملازم کو نوکری سے برخاست کرنے پر پابندی ہوگی،آجر ملازمین کو مکمل تنخواہ کی ادائیگی کے پابند ہونگے۔

آرڈیننس کے مطابق اگر مالک مکان بیوہ،معذور ہے تو اس صورت کرائے کی ادائیگی موخر نہیں کی جائے گی۔