وزیر اعظم عمران خان کا کہنا ہے کہ  پاکستان اسٹاک ایکسچینج پر حملے میں یقینی طور پر بھارت ملوث ہے

قومی اسمبلی کے اجلاس میں اظہار خیال کرتے  ہوئے کہ کوئی شک نہیں کہ پاکستان اسٹاک ایکسچینج پر حملہ بھارت کی سازش تھی۔ بھارت نے پاکستان کو غیر مستحکم کرنے کا منصوبہ بنایا تھا۔

وزیر اعظم نے کہاکہ   ان دہشتگردوں کا منصوبہ اسٹاک ایکسچینج کے ملازمین کو یرغمال بنانا تھا۔ ہماری خفیہ ایجنسیز ہائی الرٹ پر تھیں۔

عمران خان نے کہا کہ  پاکستان اسٹاک ایکسچینج حملے کے شہداء کو خراج عقیدت پیش کرتا ہوں۔

کورونا وائرس کی صورتحال کے حوالے سے وزیر اعظم کا کہنا تھا کہ  مجھ پرلاک ڈاؤن کےحوالےسےتنقید کی گئی۔ اگرمجھ سےپوچھاجاتاتومیں کبھی سخت لاک ڈاؤن نہیں کرنےدیتا۔ آج دنیااسمارٹ لاک ڈاؤن کی طرف گئی ہے۔

عمران خان نے کہا کہ  ہمیں بھی مکمل لاک ڈاؤن کاکہاگیالیکن ہم نےزیادہ سخت لاک ڈاؤن نہیں کیا، لاک ڈاؤن میں دیہاڑی دارطبقہ متاثرہوتاہے۔

ان کا کہنا تھا کہ  ہم نےاسمارٹ لاک ڈاؤن کواپنایا تاکہ معیشت چل سکے، ہم نے  کوروناایس اوپیزکےتحت معیشت کھولی۔ ہمیں ابھی بھی معاشی طورپرچیلنجز کاسامنا ہے۔

پی آئی اے کے حوالے سے بات کرتے ہوئے وزیراعظم  نے کہاکہ پی آئی اےدنیا کی بہترین ایئرلائن تھی لیکن اب اس میں مافیا بیٹھا ہوا ہے۔ 11 سالوں میں پی آئی اے کے 10 چیئر مین بدلے گئے۔

 عمران خان نے کہاکہ اداروں کی تباہی میں مافیا زکا ہاتھ ہے۔ تمام مافیاز کو قانون کی گرفت میں لائیں گے۔اصلاحات کے بغیر آگے نہیں بڑھ سکتے۔