وزیراعظم عمران خان نے جون میں قیمتیں کم ہونے کے بعد شہریوں کو پیٹرول نہ ملنے کی تحقیقات کرانے کا فیصلہ کرلیا۔

تفصیلات کے مطابق وزیراعظم عمران خان نے جون میں قیمتیں کم ہونے کے بعد ملک کے ستر فیصد پیٹرول پمپس پر پیٹرولیم مصنوعات نہ ملنے کی شکایات کا سخت نوٹس لیتے ہوئے تحقیقات  کرانے کا فیصلہ کرلیا۔

وزیر اعظم کا نے کہا ہے کہ پیٹرول کی قلت کے ذمہ داران کے خلاف بھرپور کارروائی  کی جائے گی۔اعلیٰ سطحی کمیٹی ،اوگرا اور او ایم سی ایز کے کردار کا جائزہ لے گی۔

وزیراعظم کے معاون خصوصی شہزاد قاسم کمیٹی کی سربراہی کریں گے۔ کمیٹی اپنی حتمی رپورٹ دس جولائی کو پیش کرے گی۔

کمیٹی میں ڈی جی آئل، سی ای او پٹرولیم انسٹیٹیوٹ  اور سابق سینئر جی ایم پی ایس او شامل ہیں۔

کمیٹی پیٹرولیم مصنوعات میں کمی کا درآمد اور پیٹرول دستیابی کا جائزہ لے گی۔پیٹرول کمپنیوں کی جانب سے ذخیرہ اندوزی کا  بھی جائزہ لیا جائے گا۔

یہ بھی جائزہ لیا جائے گا کہ  کیا اس سال پیٹرول پچھلے سال کی نسبت زیادہ  تھا۔ کورونا وائرس کے پیٹرول پر اثر انداز  ہونے کا بھی جائزہ لیا جائے گا۔

کمیٹی پیٹرولیم ڈویژن اور اوگرا کے کردار کا بھی جائزہ لے گی اور  کسی نجی کمپنی کو فائدہ پہنچانے کا بھی جائزہ لیا جائے گا۔کمیٹی  ملوث افراد کے خلاف کارروائی کی سفارش کرے گی۔