وزیراعظم عمران خان نے احساس ایمرجنسی کیش پروگرام کا اجرا کیا، ایمرجنسی کیش پروگرام سے کورونا وبا کے باعث ملک بھر میں بے روزگار ہونے والوں کی مالی امداد کی گئی۔
وزیرِ اعظم کی معاونِ خصوصی برائے سماجی تحفظ اور احساس کیش پروگرام کی سربراہ ثانیہ نشتر نے کہنا ہے کہ خلیجی ممالک سے نوکریاں ختم ہونے کے باعث وطن لوٹنے والوں کو احساس پروگرام میں شامل کرنے کے بارے میں سوچا جا رہا ہے اور اس بارے میں حتمی فیصلہ پاکستان کی وفاقی کابینہ کرے گی۔
تفصیلات کے مطابق عالمی وبا کورونا وائرس اور لاک ڈاؤن کے اثرات سے بچانے کیلئے حکومت کی جانب سے شروع کیا جانے والے احساس ایمرجنسی کیش پروگرام کے تحت اب تک ایک کروڑ 20لاکھ3 ہزار مستحق افراد کو رقوم کی شفاف ترسیل مکمل کر دی گئی ہے۔
اس کے بعد حکومت نے آئندہ پروگرام کے تحت ہدف ایک کروڑ 61لاکھ 63 ہزار کا ہدف مقرر کیا ہے۔
ذرائع کے مطابق احساس ایمرجنسی پروگرام کے تحت پنجاب میں 52 لاکھ 75 ہزار سے زائد افراد میں 63 ارب 88 کروڑ روپے، خیبر پختونخوا میں 21 لاکھ 8 ہزار سے زائد افراد میں 25 ارب59 کروڑ روپے، بلوچستان کے 6 لاکھ 11 ہزار سے زائد افراد میں 7 ارب 43 کروڑ روپے،سندھ میں 36 لاکھ 59 ہزار سے زائد افراد میں 44 ارب 13 کروڑ روپے،آزاد کشمیر میں ایک لاکھ 98 ہزار سے زائد افراد میں 2 ارب 42 کروڑ روپے، گلگت بلتستان کے 86 ہزار سے زائد افراد میں ایک ارب 5 کروڑ روپے، اسلام آباد کے 63 ہزار سے زائد افراد میں 76 کروڑ روپے سے زائد امدادی رقم تقسیم کی گئی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News