ٹائیگر فورس کے رضا کاروں کو ملک بھر میں “نو ماسک نو سروس” مہم کے لئے زبردست پذیرائی حاصل ہوئی ہے۔
تفصیلات کے مطابق ٹائیگر فورس کے تحت نو ماسک نو سروس مہم کا دائرہ کار ملک کے مختلف شہروں تک پھیلا دیا گیا ہے جس کے بعد رضا کار نوجوانوں کی مختلف شہروں میں عوامی آگاہی کی سرگرمیاں جاری ہیں۔
ٹائیگر فورس کے تحت دکانوں اور مارکیٹوں میں ایس او پیز پر عمل درآمد کیلئے مہم میں بھی تیزی آئی ہے، کاروباری افراد سے “نو ماسک نو سروس” مہم پر عملدرآمد کروایا جا رہا ہے۔
ٹائیگر فورس کے نوجوان رضا کاروں کی جانب سے دکانوں کے باہر کارڈز اور پمفلٹ آویزاں کر دئیے گئے ہیں۔
” نو ماسک نو سروس ” کے متعلق ٹائیگر فورس کے رضاکاروں کا کہنا ہے کہ وزیراعظم کی ہدایت کے مطابق ایس او پیز پر عمل درآمد یقینی بنایا جائے گا، ماسک کے بغیر آنے والے گاہک اور خریداروں کو دکانوں میں داخلے کی اجازت نہیں ہو گی۔
Advertisement
ٹائیگر فورس کے رضاکاروں کی جانب سے دکانداروں کو پابند کیا گیا ہے کہ دکاندار خدمات کی فراہمی صرف ماسک پہننے والے افراد کو کریں۔
واضح رہے کہ دکان مالکان ایس او پیز پر عمل درآمد کیلئے رضا کاروں سے تعاون کر رہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
