حکومت کیلئے بجٹ منظور کرانا آسان ہے

شبین رضا

29th Jun, 2020. 11:21 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت کیلئے بجٹ منظور کرانا آسان ہے

مسلم لیگ ن کے مرکزی رہنما شاہد خاقان عباسی کا کہنا ہے کہ حکومت کےپاس عددی برتری ہے وہ بجٹ منظور کرالےگی۔

تفصیلات کے مطابق ایک نجی ٹی وی کے پروگرام میں گفتگو کرتے ہوئے سابق وزیراعظم شاہد خاقان عباسی نے کہا کہ کوروناکی وجہ سےقومی اسمبلی میں ارکان کی تعدادکم ہوگی اور میرا خیال ہے اسمبلی میں 70 ارکان کو بلایا گیا ہے۔

مسلم لیگ ن کے رہنما نے کہا کہ حکومت کیلئے بجٹ منظور کرانا آسان ہے حکومت کےپاس عددی برتری ہےوہ بجٹ منظور کرالےگی۔

دوسری جانب متحدہ اپوزیشن نے وفاقی بجٹ کو یکسر مسترد کرتے ہوئے حکومت کیخلاف ہر محاذ پر لڑنے کا اعلان کر دیا ہے۔

پاکستان پیپلز پارٹی کے چیئرمین بلاول بھٹو زرداری کا دیگر اپوزیشن رہنماؤں کے ہمراہ پریس کانفرنس کرتے ہوئے کہنا تھا کہ جوائنٹ اپوزیشن کا بجٹ پراجلاس ہوا۔

تمام سیاسی جماعتیں بجٹ کو مسترد کرتی ہیں۔ بجٹ نے پورے پاکستان کو حکومت کے خلاف کر دیا ہے۔ کل حکومت نے پٹرولیم لیوی کا غیرقانونی نوٹی فیکشن جاری کیا اور بجٹ پاس ہونے سے پہلے ہی پٹرول کی قیمت سے زیادہ ٹیکس لگا دیا گیا۔