سابق وزیر داخلہ و رہنما مسلم لیگ ن احسن اقبال نے کہا ہے کہ وزیراعظم عمران خان نے اپنے ایک اور وعدے کی تکمیل کردی ہے۔

سماجی رابطے کی ویب سائٹ ٹوئٹر پر اپنے ایک پیغام میں احسن اقبال نے حکومت کا مذاق اڑاتے ہوئے کہا ہے کہ وزیراعظم نے وعدہ کیا تھا کہ بیرون ملک پاکستانیوں کو واپس لاؤں گا اور  آج انٹرنیشنل ایئرلائنز سے پاکستانی پائلٹوں کو نکالا جارہا ہے۔

میں بیرون ملک پاکستانیوں کو واپس وطن لاؤں گا – ایک اور وعدے کی تکمیل 😁 https://t.co/KkGtMsAxqN

— Ahsan Iqbal (@betterpakistan) June 27, 2020

 ان کا کہنا تھا کہ پائلٹس کے جعلی لائسنس کے باعث انہیں بیرون ممالک کی ایئر لائن سروسز سے نکالا جارہا ہے۔

واضح رہے کہ اس سے قبل پاکستان میں پائلٹس کے جعلی لائسنس اسکینڈل پر بھارتی لابی نے پاکستان کے خلاف کام کرنا شروع کردیا ہے۔

پاکستانی پائلٹس کے جعلی لائسنس کے انکاشافات کے بعد پاکستان کے پائلٹس پر دنیا کی بڑی ایئرلائنز میں ملازمتیں خطرے میں ہیں۔

پی آئی اے نے مشتبہ لائسنس پر 141 پائلٹس گراونڈ کردیے

ذرائع کا کہنا ہے کہ بھارتی لابی، یورپی یونین، امریکا میں پاکستان کی قومی ایئرلائن کی انٹری بند کرانے پر بھی کام کر رہی ہے جبکہ انٹرنیشنل سول ایوی ایشن آرگنائزیشن بھی پاکستان پر ایوی ایشن سے متعلق مختلف اقدامات کر سکتی ہے۔

ذرائع نے بتایا ہے کہ کویت ایئر لائن سے 7 پاکستانی پائلٹس کو گراؤنڈ کرانے اور 56 پاکستانی فلائٹ انجینئرز کو معطل کرانے میں بھارتی لابی کا ہاتھ ہے۔