وزیراعظم نے آج مظفرآباد کے دورے کے دوران لائن آف کنٹرول کے قریب مکین سارے خاندانوں کیلیئے خصوصی احساس پیکج کا اجراء کیا ہے۔

وزیراعظم کے احساس پروگرام کے اجراء پر وزیراعظم کی معاون خصوصی ڈاکٹر ثانیہ نشتر نے سماجی رابطے کی ویب سائٹ پر ایک ٹوئٹ پیغام میں کہا ہے کہ میں وزیراعظم کی مشکور ہوں کہ انہوں نے آج مظفرآباد کے دورے کے دوران لائن آف کنٹرول کے قریب مکین سارے خاندانوں کیلیئے خصوصی احساس پیکج کا اجراء کیا ہے۔

انہوں نے مزید کہا کہ یہ پاکستان کی تاریخ میں پہلا موقع ہے کہ حکومت نے کسی علاقے کے سارے خاندانوں کیلیئے غیر مشروط امدادی پیکج کا اعلان کیا ہے۔

جن خاندانوں کی خواتین کےپاس شناختی کارڈ موجودہیں انکو احساس کیش کی ادائیگیاں فوری طور پر شروع ہو جائیں گی اور جن خواتین کے شناختی کارڈ ابھی بننےہیں انکےلیئےلائن آف کنٹرول کے اردگرد کےعلاقوں میں17 احساس رجسٹریشن مراکزقائم کیئےجارہے ہیں تاکہ وہ جلدازجلداحساس کیش سےمستفید ہوسکیں۔4/4 pic.twitter.com/UWwvmanpFo

Advertisement

— Sania Nishtar (@SaniaNishtar) June 26, 2020

ڈاکٹر ثانیہ نشتر کا کہنا تھا کہ لائن آف کنٹرول کے قریب سارے 219 دیہاتوں میں مقیم 138,275 گھرانوں کواحساس کیش پروگرام میں شامل کیاگیا ہے۔

کورونا وائرس کی وجہ سے معیشت پر انتہائی منفی اثر پڑا ہے، وزیراعظم

انہوں نے واضح کیا ہے کہ ان تمام گھرانوں کو بغیر کسی تخصیص کے وفاقی کابینہ کی منظوری سے احساس پروگرام کا حصہ بنایا گیا ہے، ان گھرانوں کیلیے خصوصی پیکیج میں وفاقی حکومت نے 3 ارب روپےمختص کر رکھے ہیں۔

مواعن خصوصی نے اپنے پیغام میں کہا کہ لائن آف کنٹرول کے قرب وجوار میں بسنے والے تمام خاندانوں کو وزیر اعظم کی خصوصی ہدایات پر احساس کفالت پروگرام میں شامل کر لیا جائے گا اور ان کو ماہانہ 2000 روپے ادائیگی کی جائے گی، اس کے علاوہ ان گھرانوں کی خواتین کو 12,000 روپے احساس ایمرجنسی کیش بھی دیا جائےگا۔

انہوں نے بتایا کہ جن خاندانوں کی خواتین کے پاس شناختی کارڈ موجود ہیں ان کو احساس کیش کی ادائیگیاں فوری طور پر شروع ہو جائیں گی اور جن خواتین کے شناختی کارڈ ابھی بننے ہیں ان کے لئے لائن آف کنٹرول کے اردگرد کےعلاقوں میں17 احساس رجسٹریشن مراکز قائم کئے جارہے ہیں تاکہ وہ جلد از جلد احساس کیش سے مستفید ہوسکیں۔