اپوزیشن کو چور کہنے والوں کی اپنی پارٹی سے چور نکل رہے ہیں

شبین رضا

02nd Jul, 2020. 02:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اپوزیشن کو چور کہنے والوں کی اپنی پارٹی سے چور نکل رہے ہیں

سعد رفیق کا کہنا ہے کہ یہ اپوزیشن کو چور کہتے تھے، ان کی اپنی پارٹی سے چور نکل رہے ہیں۔

تفصیلات کے مطابق رہنما مسلم لیگ ن خواجہ سعد رفیق نےلاہور کی احتساب عدالت میں پیزی کے دوران میڈیا سے گفتگو کرتے ہوئے کہا کہ یہ سوچنا ہو گا کہ عمران خان کے جانے کے بعد کیا صورتِ حال ہو گی، ایسی صورتِ حال میں کوئی بھی حکومت نہیں لے گا، انہیں چاہیے کہ اپنی ناکامی کو سب کے سامنے قبول کریں۔

خواجہ سعد رفیق نے کہا کہ مقبوضہ کشمیر میں بھارت کے ظلم بڑھ رہے ہیں جبکہ ہم کشمیریوں کا مقدمہ لڑنے کے بجائے آپس میں لڑ رہے ہیں۔

انہوں نے کہا کہ مائنس ون کہاں سے آتا ہے؟ کون لے کر آتا ہے؟ کچھ پتہ نہیں، سیاسی کارکن ہوں، سیاسی جماعتوں کو مضبوط دیکھنا چاہتا ہوں۔

رہنما ن لیگ نے مزید کہا کہ میری اپنی جماعت میں بھی آواز آتی تھی تو مخالفت کرتا تھا، ہمارا یہاں کوئی کام نہیں پھر بھی یہاں آکر پیشیاں بھگت رہے ہیں،پاکستان تحریکِ انصاف کی حکومت کی سازش ہے کہ مخالفین کو پھنسائے رکھے۔