وزیراعلیٰ پنجاب کی عوام سے عید الاضحی سادگی سے منانے کی اپیل

وریشہ مسعود

31st Jul, 2020. 06:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلیٰ پنجاب کی عوام سے عید الاضحی سادگی سے منانے کی اپیل

وزیراعلیٰ پنجاب سردار عثمان بزدار نے عوام سے عید الاضحی سادگی سے منانے اور کورونا ایس او پیز پر عمل کرنے کی اپیل کردی۔

اپنے بیان میں عثمان بزدار نے کہا کہ عیدپر سماجی فاصلہ برقرار رکھیں ،کورونا وائرس کے اثرات کم ہوئے ہیں مگراب بھی احتیاط بے حد ضروری ہے۔

وزیراعلیٰ پنجاب کا کہنا تھا کہ کورونا کے مکمل خاتمے کے لئے ہر فرد کو سماجی ذمہ داری نبھانی ہوگی، احتیاط کریں اور کورونا سے بچیں کیونکہ اسی میں بھلائی ہے جبکہ میں خود بھی کورونا ایس او پیز پر عملدرآمد کروں گا۔

کراچی کے مختلف مقامات پر نمازِ عید کے اوقات کار

سردار عثمان بزدار کا یہ بھی کہنا تھا کہ اللہ تعالیٰ کے فضل وکرم سے کورونا کے متاثرین کی تعداد میں خاطر خواہ کمی آرہی ہے، گزشتہ 24گھنٹے میں صرف 218کورونا پازیٹو کیس آئے جبکہ 2مریض جاں بحق ہوئے اور کورونا سے متاثرہ 82526 مریض صحت یاب ہو کر گھروں کو جا چکے ہیں۔

وزیراعلیٰ پنجاب سردار عثمان بزدار کا مزید کہنا تھا کہ پنجاب میں سوا 7لاکھ سے زائد کورونا ٹیسٹ کئے گئے ہیں جبکہ عید الاضحی پر ایس او پیز پر عملدرآمد کیا گیا تو مزید اچھے نتائج سامنے آئیں گے۔