بھارتی فوج کی لائن آف کنٹرول ( ایل او سی ) پر سیز فائر کی خلاف ورزیوں کاسلسلہ بدستور جاری ہے۔
پاک فوج کےشعبہ تعلقات عامہ کے ڈائریکٹر جنرل آئی ایس اپی آر میجر جنرل بابر افتخار نے سماجی رابطے کی ویب سائٹ ٹویٹر پر اپنے ایک پیغام میں کہا ہے کہ بھارتی فورسز نے خلاف ورزی کرتے ہوئے لائن آف کنٹرول ( ایل او سی ) کے رکھ چکری اور بروع سیکٹرز پر بلا اشتعال فائرنگ کی اورسویلین آبادی کو نشانہ بنایا۔
#IndianArmy troops initiated unprovoked ceasefire violation(CFV) in Rakhchikri & Baroh Sector along #LOC targeting civilian population. 2 women, residents of Kirni & Gahi village were injured. 1697 #CFVs by Indian troops in 2020 to date.
— DG ISPR (@OfficialDGISPR) July 17, 2020
اپنے پیغام میں میجر جنرل بابر افتخار نے یہ بھی کہا کہ ایل او سی پر بھارتی فورسز کی بلااشتعال فائرنگ سے سے کیرنی اور گاہی گائوں کی دو خواتین زخمی ہوگئی جنہیں طبی امداد کیلئے قریبی طبی مرکز منتقل کردیا گیا ہے۔
ڈائریکٹر جنرل آئی ایس اپی آر میجر جنرل بابر افتخار نے مزید کہا کہ 2020میں اب تک بھارتی فوج سیز فائر کی 1697 خلاف ورزیاں کر چکی ہے۔
بھارتی فوج کی ایل او سی پربلااشتعال فائرنگ، 5 شہری زخمی
یاد رہے اس سے قبل بھی ترجمان آئی ایس پی آر نے کہا تھا کہ ایل او سی پر بھارتی فورسز کی بلااشتعال فائرنگ سے رکھ چکری سیکٹر میں آبادی کو نشانہ بنایا گیا جس میں ایک معمر خاتون زخمی ہوئی جنہیں طبی امداد کیلئے قریبی طبی مرکز منتقل کردیا گیا ہے۔
ترجمان آئی ایس پی آر نے مزید کہا تھا کہ پاک فوج نے بھارتی فوج کی فائرنگ کا بھرپور اور موثر جواب دیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News