حال ہی میں سوشل میڈیا پر بیٹے کے اپنی ماں کو تشدد کا نشانہ بنانے والی ویڈیو وائرل ہوئی تھی  جس پر قانونی چارہ جوئی کے تحت ارسلان نامی شخص کو گرفتار کرلیا گیا تھا۔

آج ایک ویڈیو اور منظر عام پر آئی ہے جس میں بیٹے اور بہو کے معافی مانگنے اور پشیمانی کے بیانات موجود ہیں، ویڈیو میں دیکھا جاسکتا ہے کہ اپنی ماں کو تشدد کا نشانہ بنانے پر پشیمانی کا اظہار کر رہے ہیں اورمعافی مانگ رہے ہیں۔

اسی ویڈیو میں دوسری جانب ماں کا بیان بھی موجود ہے جس میں انہوں نے اپنے بیٹے اور بہو کو معاف کردیا ہے اورقانونی چارہ جوئی سے بھی اجتناب کرنے کا موقف دیا ہے۔

میں شرمندہ ہوں ، میں نے اپنی ماں کے ساتھ زیادتی کی

واضح رہے کہ اس سے قبل راولپنڈی میں بزرگ والدہ پر تشدد کرنے والا ملزم ارسلان نے اپنے ناقابل برداشت فعل پر شرمندگی کا اظہار ہوئے کہا کہ اپنی والدہ، پورے پاکستان اور پوری دنیا کی ماؤں سے اپنے فعل کی معافی مانگتا ہوں۔

یادرہے اس سے قبل راولپنڈی کی متاثرہ  ماں نے بول نیوز سے گفتگو کرتے ہوئے  کہا تھا کہ بہو نے سب کچھ کیا ہے، بیٹے کا کچھ نہیں۔ بیٹا تو پہلے بھی ادھر ہی تھا، پہلے تو کچھ نہیں کیا اب 32 سال کی عمر میں بیوی کی وجہ سے ماں پر ہاتھ اٹھایا۔

انہوں نے کہا کہ جب میں اسپتال میں تھی تو بہو کے گھر سے 30 افراد آئے  اور انہوں نے گھر میں توڑ پھوڑ بھی کی۔

متاثرہ خاتون کا مزید کہنا تھا کہ ان کی بہو  اور بیٹا یونیورسٹی میں ساتھ پڑھتے تھے ۔ بہو ڈرگز استعمال کرتی تھی اور اس نے بیٹے کو بھی اپنے ساتھ لگالیا۔

واضح رہے کہ گذشتہ روز راولپنڈی میں  سفاک بیٹے  کے بیوی کے ساتھ مل کر سگی ماں پر بہیمانہ تشدد  کی  ویڈیو سوشل میڈیا پر وائرل ہوئی تھی۔