مجھے عدالتوں سے انصاف ملنے کی پوری توقع ہے ، اہلیہ زارا عباس

شبین رضا

22nd Jul, 2020. 12:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مجھے عدالتوں سے انصاف ملنے کی پوری توقع ہے ، اہلیہ زارا عباس

بول نیوز کے اینکر مرید عباس کے قتل کے مرکزی ملزم عاطف زمان کی جانب سے صلح کےلئے پھر کوشش کی گئی ہے۔

تفصیلات کے مطابق ملزم عاطف زمان کی جانب سے مقتول اینکر مرید عباس کے اہل خانہ کو دوسری بار پیغام بھجوایا گیا۔

مقتول اینکر مرید عباس کی اہلیہ زارا عباس کا کہنا ہے کہ میں قاتلوں سے مرید عباس کے قتل کا ہرگز سودا نہیں کرسکتی۔

ملزم نے پیغام میں کہا ہے کہ مرید عباس کے قتل کے بعد اس نقصان کا ازالہ تو نہیں ہوسکتا ہے، مگر مل بیٹھ کر بات کرسکتے ہیں۔

زارا عباس نے اپنے بیان میں کہا کہ ملزم عاطف زمان کی جانب سے مل بیٹھ کر بات کرنے کا کہا گیا ہے اور کہا ہے کہ عادل زمان پر کیس ثابت نہیں ہوسکتا، ضمانت مل گئی ہے،کیس طویلعرصے تک چل سکتا ہے۔

اہلیہ نے کہا کہ کیس جتنا بھی طویل چلےمیں مکمل طور پر پیروی کروں گی، مجھے عدالتوں سے انصاف ملنے کی پوری توقع ہے، ہر فورم پر لڑوں گی۔

انھوں نے مزید کہا کہ شواہد کی روشنی میں عدالت نے فیصلہ کرنا ہے، میں اپنی زندگی میں شوہر کے قاتلوں سے کبھی صلح نہیں کروں گی، میں قاتلوں سے مرید عباس کے خون کا ہرگز سودا نہیں کرسکتی۔