صوبائی وزیر صنعت و تجارت میاں اسلم اقبال نے بعض علاقوں میں آٹے کے مقررہ نرخوں سے زائد پر فروخت کا سخت نوٹس لیا۔

تفصیلات کے مطابق صوبائی وزیر صنعت و تجارت میاں اسلم اقبال کی زیر صدارت سول سیکرٹریٹ میں ٹاسک فورس برائے پرائس کنٹرول کا اہم اجلاس ہوا ، جس میں آٹا، چینی اور دیگر اشیا ضرور یہ کی قیمتوں اور دستیابی کا جائزہ لیا گیا۔

اجلاس میں ناجائز منافع خوروں اور ذخیرہ اندوزوں کے خلاف کریک ڈان تیز کرنے کا فیصلہ کیا گیا۔

اجلاس میں ڈی جی انڈسٹریز نے اوور چارجنگ اور ذخیرہ اندوزی کے کے خلاف کارروائیوں کے بارے بریفنگ دی جس پر میاں اسلم اقبال نے کہا کہ آٹے کی اوور چارجنگ کرنے والا جیل جانے گا اور اسکی دکان سیل ہوگی ۔

 میاں اسلم اقبال نے حکم  دیا کہ سرکاری نرخ سے مہنگا آٹا بیچنے والوں کی دکان سیل کر دی جائے جبکہ ذخیرہ اندوزوں کے خلاف کریک ڈاؤن تیز کردیا جائے اور صوبے بھر میں 20کلو آٹے کا تھیلہ860روپے اور 10کلوکاتھیلہ430روپے میں فروخت یقینی بنائی جائے۔

مصنوعی مہنگائی کے خلاف کارروائی تیز کی جائے، میاں اسلم اقبال

صوبائی وزیر صنعت و تجارت میاں اسلم اقبال نے اشیا ضرور یہ کے نرخ نامے نمایاں جگہ پر آویزاں نہ کرنیوالے دکانداروں کے خلاف بھی سخت کارروائی کا حکم دیتے ہوئے کہا کہ کیچن آئٹم اور مصالحہ جات کی قیمتوں پر بھی نظر رکھی جائے۔

اجلاس میں سیکرٹری صنعت و تجارت کیپٹن ریٹائرڈ ظفر اقبال ،متعلقہ محکموں کے افسران نے شرکت کی جبکہ صوبہ بھر کے کمشنر ز، ڈپٹی کمشنر زاور پولیس افسران نے وڈیو لنک کے ذریعے شریک ہوئے۔

صوبائی وزیر صنعت و تجارت میاں اسلم اقبال نے بعض افسران کی اجلاس میں غیر حاضری پر برہمی کا اظہار کرتے ہوئے کہا کہ آئندہ اجلاس میں متفقہ افسران اپنی حاضری یقینی بنائیں۔