صوبائی وزیر صنعت وتجارت میاں اسلم اقبال نے کہا ہے کہ مصنوعی مہنگائی کے ذمہ داروں کے خلاف کارروائی تیز کی جائے۔
تفصیلات کے مطابق صوبائی وزیر صنعت وتجارت میاں اسلم اقبال کی زیر صدارت سول سیکرٹریٹ میں اجلاس منعقد کیا گیا۔
اجلاس میں اشیاء ضروریہ کی قیمتوں کی مانٹیرنگ،طلب ورسد اور پرائس کنٹرول مجسٹریٹس کی کار کردگی کا جائز لیا گیا۔
اجلاس میں میاں اسلم اقبال کا کہنا تھا کہ ذخیرہ اندوزوں اور گرانفروشوں نے عام آدمی کی مشکلات بڑھائی ہیں، معاشرے کے یہ مجرم کسی رعایت کے مستحق نہیں، ان کے خلاف بھر پور ایکشن کیا جائے۔
سوشل میڈیا قوانین کا معاملہ، وفاقی کابینہ کا اجلاس طلب
میاں اسلم اقبال نے اجلاس میں کہا کہ مصنوعی مہنگائی کے ذمہ داروں کے خلاف کارروائی تیز کی جائے کیونکہ فرائض کی ادائیگی میں کوتاہی اور لاپرواہی کسی صورت برداشت نہیں کی جاسکتی ہے۔
وزیر صنعت وتجارت کا کہنا تھا کہ عوام کو معیاری اشیاء کی مقرر نرخوں پر فراہمی یقینی بنانے کے لئے پوری حکومتی مشینری متحرک ہیں، مہنگائی مافیا کو عام آدمی کے مفادات سے کھیلنے نہیں دیں گے۔
انہوں نے مزید کہا کہ اشیاء ضروریہ کی قیمتوں میں استحکام اور کمی لانے کے لئے ہر ممکن اقدامات کئے جارہے ہیں اور حکومت کی تمام تر توجہ محروم معیشت طبقات کو ریلیف کی فراہمی پر مرکوز ہے۔
اجلاس میں انہوں نے بتایا کہ وفاقی حکومت کے اربوں روپے کے پیکیج سے بھی عوام کو بڑا ریلیف ملے گا اور اشیاء ضروریہ کی مارکیٹوں میں طلب کے مطابق دستیابی یقینی بنانے کے لئے موثر میکانزم بنایا ہے۔
وزیر صنعت وتجارت نے بتایا کہ سابق ادوارکی غلط معاشی ترجیحات کا غمیاز ہ عوام مہنگائی کی صورت میں بھگت رہے ہیں، کرپٹ حکمرانوں کی غلط معاشی پالیسوں کی وجہ سے ملک معاشی تباہی کے دہانے پر پہنچ چکا تھا۔
میاں اسلم اقبال نت اجلاس میں بتایا کہ وزیر اعظم عمران خان کی درست معاشی سمت کے باعث ملک دیوالیہ ہونے سے بچا ہے اور عوام کو مصنوعی مہنگائی کے عفریت سے نجات دلانے تک چین سے نہیں بیٹھے گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News