پاکستان کی قومی ایئرلائن کے سی ای او ایئر مارشل ارشد ملک کی جانب سے وزیراعظم عمران خان سے رابطہ کیا گیا ہے۔

تفصیلات کے مطابق سی ای او پی آئی اے کے وزیراعظم سے رابطے میں یورپی سیفٹی ایجنسی کی پی آئی اے سے متعلق فیصلے پر تبادلہ خیال کیا گیا ہے۔

دوران رابطہ ایئر مارشل کو وزیراعظم نے مکمل تعاون کا یقین دلایا ہے اور یہ بھی بتایا ہے کہ تین جولائی تک یورپی ملکوں کے لیے پی آئی اے کی پروازوں کو اترنے کی اجازت مل گئی ہے۔

ایئر مارشل نے بتایا ہے کہ وزیرخارجہ شاہ محمود قریشی، سیکریٹری خارجہ سمیت یورپ اور برطانیہ میں پاکستانی سفیروں سے مکمل رابطے میں رہے ہیں۔

یورپین یونین نے پی آئی اے کو 03 جولائی تک آپریٹ کرنے کی اجازت دے دی

انہوں نے وزیراعظم کو آگاہ کیا ہے کہ یورپی سیفٹی ایجنسی کے سربراہ سے بھی بات ہوئی ہے جبکہ دفتر خارجہ پی آئی اے کے معاملے پر یورپی ملکوں سے مکمل طور رابطے میں ہیں۔

ارشد ملک نے یہ بھی بتایا کہ طویل اجلاس کے دوران وزیراعظم، دفتر خارجہ سمیت یورپی اور برطانیہ میں پاکستانی سفیروں سے مکمل رابطہ رہا ہے۔

اس سے قبل سیکٹری خارجہ نے ہنگامی طور پر تمام یورپین ممالک کے سفیروں سے رابطہ کیا جس کے بعد پی آئی اے کو 03 جولائی تک آپریٹ کرنے کی اجازت دے دی گئی۔

ترجمان  پی آئی اے عبداللہ خان نے کہا کہ پی آئی اے کو یکم تا تین جولائی برطانیہ اور یورپ اترنے اور اوور فلائینگ کی تا حکم ثانی اجازت مل گئی

عبداللہ خان نے یہ بھی کہا کہ پی آئی اے انتظامیہ، وزارت خارجہ اور پاکستان کے سفیر مسلسل یورپین حکام سے رابطے میں ہیں دیگر پروازیں کا اعلان جلد کیا جائے گا۔