گورنر سندھ  عمران اسماعیل کہتےہیں این ڈی ایم اے، پاک فوج اور ایف ڈبلیو او کے ساتھ ملکر شہر کوصاف کریگی۔

تفصیلات کے مطابق گورنر ہاؤس میں گونر سندھ عمران اسماعیل سے چیئرمین این ڈی ایم اے کی ملاقات ہوئی جس میں کراچی کی صفائی سے متعلق اہم فیصلے کئے گئے ہیں۔

گورنر سندھ عمرا ن اسماعیل کی زیرصدارت  اجلاس میں چیئرمین این ڈی ایم اے لیفٹیننٹ جنرل  محمد افضل، میئر کراچی سمیت دیگر  شخصیات نے شرکت کی۔

اجلاس کے دوران چیئرمین این ڈی ایم اے  لیفٹیننٹ جنرل محمد افضل  کی جانب سےگورنر سندھ کو  بریفنگ بھی دی گئی۔

گورنر سندھ  کاکہناتھا  کہ وفاقی حکومت  کراچی والوں کو تنہا نہیں چھوڑیگی  اور اس ضمن میں این ڈی ایم اے، پاک فوج اور ایف ڈبلیو او کے ساتھ ملکر شہر کوصاف کریگی ۔

کراچی میں سول انتظامیہ کی مدد کے لیے فوج طلب کرلی گئی

اجلاس کے دوران گورنر سندھ نے کہا ہے کہ وزیراعظم پاکستان کراچی کے لئے بہت زیادہ فکر مند ہیںاسی باعث  شہر کے مسائل کے مستقل حل کے لئے وزیراعظم نے سمری منظور کی گئی ہے۔

اجلاس میں کورکمانڈر کراچی نے کہا سیوریج  سسٹم کو جدید سسٹم سے اوپن کرنا ہوگا اور اس کام میں ایف ڈبلیو او  بھی سندھ حکومت  کے ساتھ کام کر سکتی ہے۔

دوسری جانب چیئرمین این ڈی ایم لیفٹیننٹ جنرل محمد افضل سے پی ٹی آئی کراچی کے صدر خرم شیر زمان سمیت تحریک انصاف کے سینیئر ممبران کی ملاقات ہوئی ہے۔

ملاقات میں شہر کراچی میں این ڈی ایم اے کی صفائی مہم کے حوالے سے گفتگو کی گئی اورکہا گیا ہے کہ وزیراعظم عمران خان کے نوٹس پر مشکور ہیں اور اس کے ساتھ ہی ساتھ افواج پاکستان کے مشکور ہیں وہ کراچی کی عوام کے لیے کھڑے ہیں۔

ان کا کہنا تھ کہ وزیراعظم عمران خان کی کاوشوں سے کراچی کو پھر سے روشنی کا شہر بنائیں گے اور اسضمن میں عوام بھی اپنے شہر کو صاف ستہرا رکھنے میں کردار ادا کریں۔

انہوں نے بتایا کہ واٹر بورڈ سیوریج لائینوں کا نظام بہتر بنائے گے۔

خرم شیر زمان کا کہنا تھا کہ این ڈی ایم اے شروع میں کراچی کے تین بڑے نالے صاف کرے گا جبکہ این ڈی ایم اے کی نگرانی میں چھوٹے نالوں کی صفائی کا کام ڈی ایم سیز کی ذمیداری ہوگی۔