حکومت کلبھوشن یادیو کو این آر او دے رہی ہے، بلاول

حکومت کلبھوشن یادیو کو این آر او دے رہی ہے

شبین رضا

23rd Jul, 2020. 02:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت کلبھوشن یادیو کو این آر او دے رہی ہے

بلاول بھٹو زرداری کا کہنا ہے کہ حکومت بھارتی جاسوس کلبھوشن یادیو کو این آر دو دینے کی کو شش کر رہی ہے۔

تفصیلات کے مطابق پاکستان پیپلزپارٹی کے چیئرمین بلاول بھٹو زرداری نے قومی اسمبلی میں اظہار خیال کرتے ہوئے کہا کہ عمران خان نے کہا تھا کہ کسی کو این آر او نہیں دوں گا لیکن احسان اللہ احسان، مالم جبہ اراضی، بلین ٹری سونامی اور بی آر ٹی منصوبے پر این آر او دیا گیا۔

بلاول کا کہنا ہے کہ جو پائلٹ پاکستان پر حملہ کرنے آیا اس کو چائے پلا کر واپس چھوڑ دیا گیا، وزیراعظم نے دہشت گردوں کی کبھی مخالفت نہیں کی، جن دہشت گردوں نے ہمارے بچوں کو شہید کیا ان پربات تک نہیں کی۔

انھوں نے مزید کہا کہ وزیراعظم کےخلاف تقریرکروتواحسان اللہ احسان سےدھمکی آتی ہے۔

واضح رہے کہ قومی اسمبلی کا اجلاس اسپیکر اسد قیصر کی زیرصدارت ہوا تاہم اپوزیشن کی جانب سے کورم پورا نہ ہونے کی نشاندہی کی گئی جس کے بعد حزب اختلاف کی تمام جماعتوں نے واک آؤٹ کر دیا۔

کوروم پورا نہ ہونے کے باعث اسپیکر نے اجلاس ملتوی کر دیا۔