کراچی میں بدترین لوڈشیڈنگ پھرشروع ، شہری بےحال

شبین رضا

24th Jul, 2020. 11:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں بدترین لوڈشیڈنگ پھرشروع ، شہری بےحال

نہ دن کا چین،نہ رات کا سکون،شہر قائد میں بدترین لوڈشیڈنگ پھر شروع ہو گئی ہے۔

تفصیلات کے مطابق کراچی شہر کے مختلف علاقوں میں لوڈ شیڈنگ کا دورانیہ 10 سے 12 گھنٹوں تک پہنچ گیا ، کے الیکٹرک کے دعوے بھی غلط ثابت ہوئے۔

ذرائع کے مطابق جہانگیرروڈ اوراطراف کے علاقوں میں صبح 4 بجے سے بجلی بند ہے ، گزشتہ روز بھی جہانگیر روڈ پر صبح 8 بجے سے دن بھر بجلی بند رہی ۔

گلستان جوہر، پہلوان گوٹھ میں دن اور رات میں پانچ، پانچ گھنٹے لوڈشیڈنگ ، کیماڑی، سکندرآباد، شیریں جناح کالونی میں بھی لوڈشیڈنگ جاری ہے۔

ملیرسٹی کے علاقوں میں وقفے وقفے سے بجلی کی بندش،دورانیہ 10 گھنٹوں تک پہنچ گیا۔

کے الیکٹرک کورنگی اور لانڈھی کے مختلف سیکٹرز میں 8 سے 10 گھنٹے بجلی غائب کررہا ہے۔

متاثرہ شہریوں کا کہنا ہے کہ کے الیکٹرک علاقائی فالٹ اور لوڈمینجمنٹ کے نام پر بجلی بند کر رہی ہے۔

علاقہ مکینوں نے کے الیکٹرک کے خلاف شدید برہمی کا اظہار کیا اور حکومت سے نوٹس لینے کا مطالبہ بھی کردیا۔