وزیراعلی سندھ ادھر آئیں اور رین ایمرجنسی کے دعوؤں کو دیکھ لیں

شبین رضا

06th Jul, 2020. 01:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعلی سندھ ادھر آئیں اور رین ایمرجنسی کے دعوؤں کو دیکھ لیں

اس بات سے سب واقف ہیں کہ ایک کروڑ سے زائد آبادی والے شہر کراچی میں مون سون کی بارشوں کے سبب نکاسی آب کا نظام مفلوج ہونے کا خدشہ ہے ، سڑکیں پانی میں ڈوب سکتی ہیں۔

تفصیلات کے مطابق کراچی میں متوقع مون سون کی بارشوں کی پیش گوئی کے بعد بھی سندھ حکومت نے نالوں کی صفائی کا کام بروقت مکمل نہیں کیا جس کی وجہ سے شہر میں اربن فلڈ کا خطرہ ہے۔

تحریک انصاف کے رکن قومی اسمبلی اور سماجی تنظیم فِکس اٹ کے بانی عالمگیر خان نے گجر نالے پر وزیر اعلیٰ سندھ مراد علی شاہ کی تصویر لگا کر انوکھا احتجاج ریکارڈ کرایا۔

کراچی شہر کی سڑکوں پر سیلاب کا خطرہ
سندھ حکومت کی نہ اہلی کی وجہ سے کراچی شہر کی سڑکوں پر سیلاب کا خطرہ۔۔۔۔#Fixit
Gepostet von Fixit am Sonntag, 5. Juli 2020

عالمگیر خان کا اس سلسلے میں کہنا ہے کہ وزیراعلی سندھ ادھر آئیں اور اپنی رین ایمرجنسی کے دعوؤں کو دیکھ لیں،گجرنالے پر تاحال صفائی کے اقدامات نہیں کیے گئے، بارش سے تین روز پہلے مشینری حاصل کر کے بس صفائی کا ڈرامہ رچایا جارہا ہے۔

رکن قومی اسمبلی عالمگیر خان نے مزید کہا کہ لوگ کورونا وائرس سے کم جبکہ سندھ حکومت کی نااہلی سے زیادہ مریں گے، سندھ حکومت کے وزرا صرف فوٹو سیشن کیلئے نالوں کا دورہ کررہے ہیں۔

واضح رہے کہ محکمہ مو سمیات کے مطابق شہر قائد میں دو دن موسلا دھار بارشیں جاری رہنے کا امکان ہے۔

نالوں کی صفائی نہ ہونے سے شہریوں کو مشکلات کاسامنا ہوسکتا ہے،بارش ہوئی تو نکاسی آب کا نظام بیٹھ سکتا ہے اور اس صورت میں سڑکیں پانی میں ڈوبنے کا بھی خدشہ ہے جبکہ تیزآندھی سے بجلی کے تار ٹوٹنے سے بجلی بھی غائب ہوجائے گی۔