برٹش ایئرویز نے پاکستان کا فضائی آپریشن بحال کردیا ہے۔

تفصیلات کے مطابق برٹش ایئرویز نے پاکستان کا فضائی آپریشن بحال کردیا، برٹش ایئرویز کی پرواز بی اے 261 لندن سے اسلام آباد پہنچ گئی۔

اسلام آباد ایئر پورٹ پر برٹش ایئرویز کی آمد پر خصوصی انتظامات کئے گئےجبکہ مسافروں کی ہیلتھ کاؤنٹر اسکریننگ اور طبی جانچ کی گئی ، برطانوی سفارتخانے کا عملہ بھی اس موقع پر موجود تھا۔

برطانوی سفارت خانے کے حکام نے ایئرپورٹ  پر انتظامات کو تسلی بخش قرار دیا۔

قبلازیں جولائی کے آخری ایام میں برٹش ایئرویز نے پاکستان کے لیے فضائی آپریشن دوبارہ بحال کرنے کا فیصلہ کیا تھا۔

یاد رہے اس سے قبل برٹش ایئرویزکی پاکستانی حکام سےانتظامات مکمل کرنےکی یقین دہانی کرانےکی درخواست کی گئی تھی اور برٹش ایئر ویز نے اسلام آباد ایئرپورٹ منیجرسےانتظامات کی تفصیلات بھی مانگ لیں تھی۔

برٹش ایئرویز کا پاکستان کے لیے دوبارہ فضائی آپریشن بحال کرنے کا فیصلہ

برٹش ایئر ویز کی جانب سے کہا گیا تھا کہ اسلام آباد ایئرپورٹ پرصفائی اوردیگر سہولیات سے متعلق بتایا جائےاس کےعلاوہ برٹش ایئرویزکےزیر استعمال گیٹ اوردیگرصورتحال سے آگاہ کیا جائے،جہازکےلیےفکس بریجزمحفوظ ہونےکی تصدیق کی جائے،

خیال رہے کہ  گزشتہ برس جون 2019 میں وزیراعظم عمران خان سے برٹش ایئرویز کے چیف آپریٹنگ آفیسر کی ملاقات  کی  تھی  ،جس کے بعد پاکستان میں برٹش ایئرویز کی فلائٹ کا دوبارہ آغازہوا تھا اور 11 برس بعد برٹش ایئر ویز کی فلائٹ پاکستان آئی تھی ، تا ہم کورونا وبا  کے  باعث فضائی آپریشن معطل ہو کر رہ گئے تھے۔