وزیرِاعظم عمران خان نے کہا ہے کہ موبائل نیٹ ورکس اور انٹرنیٹ سروسز کی بہتری ملک کے مفاد میں ہے۔
تفصیلات کے مطابق وزیرِاعظم عمران خان کی زیرصدارت اجلاس ہوا جس میں موبائل اور انٹرنیٹ سروسز کی مزید بہتری کے حوالے سے سپیکٹرم نیلامی کا جائزہ لیا گیا۔
اجلاس میں وزیرِاعظم کو موبائل کمپنیوں کی جانب سے نیٹ ورک مزید بہتر بنانے کے لیے مزید سپیکٹرم کے حصول کی درخواست پر بریفنگ دی گئی جبکہ اب تک ہونے والی پیش رفت سے تفصیلی طور پر آگاہ کیا گیا۔
وزیرِ اعظم نے مختلف کمپنیوں کی جانب سے مزید سپیکٹرم حاصل کرنے میں دلچسپی پر اطمینان کا اظہار کیا۔
موجودہ دور میں انٹرنیٹ کی فراہمی ایک اہم ضرورت بن چکی ہے، وزیراعظم
Advertisement
وزیراعظم عمران خان نے اجلاس کی صدارت کرتے ہوئے کہا کہ موبائل نیٹ ورکس اور انٹرنیٹ سروسز کی بہتری ملک کے مفاد میں ہے۔
وزیراعظم عمران خان نے مزید کہا کہ ملک کے دور دراز اور پس ماندہ علاقوں میں موبائل اور انٹرنیٹ کی سروسز کی بہتری پر خصوصی توجہ دی جائے جبکہ سپیکٹرم کی فروخت کا عمل نہایت شفاف طریقہ کار اور ترجیحی بنیادوں پر مکمل کیا جائے۔
اجلاس میں امین الحق، حماد اظہر، ڈاکٹر عبدالحفیظ شیخ، متعلقہ وزارتوں کے سیکرٹریز، چئیرمین پی ٹی اے ، ایگزیکیٹو ڈائریکٹر فریکویسی ایلوکیشن بورڈ بھی شریک ہوئے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
