وزیر خارجہ شاہ محمود قریشی نے کہا ہے کہ ہم سعودیہ کو ناراض کرنے کا سوچ بھی نہیں سکتے ہیں۔

تفصیلات کے مطابق سعودی عرب کے بارے میں وزیرخارجہ شاہ محمود قریشی کا بیان سامے آیا ہے جو کہ سعودی قیادت کو موصول ہوگیا ہے۔

سعودی عرب میں اعلیٰ سطح پر وزیرخارجہ کے بیان کا جائزہ بھی لیا گیا ہے۔

اس ضمن میں وزیر خارجہ شاہ محمود قریشی نے غیر رسمی گفتگو کرتے ہوئے کہا ہے کہ سعودیہ کو ناراض کرنے کا سوچ بھی نہیں سکتے ہیں۔

انہوں نے کہا ہے کہ سعودی عرب کے بارے میں اپنے بیان پر قائم ہوں کیونکہ بیان سے دوطرفہ تعلقات پر کوئی اثر نہیں پڑے گا۔

وزیرخارجہ کا سعودی عرب سے متعلق بیان قابل مذمت ہے، شہبازشریف

شاہ محموس قریشی نے کہا ہے کہ اسلامی امہ کے معاملات کو مل کر آگے بڑھانا ہے اور میرا بیان اسی تناظر میں تھا۔

اس سے قبل قائد حزب اختلاف اور مسلم لیگ ن کے صدر شہباز شریف نے وزیر خارجہ کے سعودی عرب سے متعلق بیان کو غیر ذمہ دارانہ قرار دیتے ہوئے کہا ہے کہ دوست برادر ممالک سے متعلق غیر ذمہ دارانہ بیان قابل مذمت ہے۔

انہوں نے کہا کہ سعودی عرب کے ساتھ حکومت کے ربط و تعلق اور انداز بیان پر قوم کو تشویش ہے، حکومت اپنی ناعاقبت اندیشی سے پاکستان کوخارجہ میدان میں تنہائی کاشکارکررہی ہے۔

شہباز شریف نے کہا کہ سعودی عرب نےپاکستان کا ہرمشکل مرحلے میں قومی مفادات میں ساتھ دیا ہے پاکستان اور سعودی عرب کے درمیان اسٹریٹجک اور تاریخی برادرانہ تعلقات ہیں سعودی عرب کے ساتھ حکومت کے ربط و تعلق اور انداز بیان پر قوم کو تشویش  ہے۔