بلوچستان کے علاقے ڈیرہ بگٹی میں زلزلے کے جھٹکے محسوس کئے گئے ہیں۔

تفصیلات کے مطابق ڈیرہ بگٹی میں زلزلے کے جھٹکوں کے حوالے سے ضلعی انتظامیہ کا کہنا ہے کہ تاحال زلزلے سے کوئی جانی و مالی نقصان نہیں ہوا، تاہم زلزلے کے خوف سے لوگ کلمہ طیبہ کا ورد کرتے ہوئے گھروں اور دکانوں سے باہر نکل آئے ہیں۔

مزید پڑھیں

کراچی میں زلزلے کے جھٹکے

کراچی میں زلزلے کے جھٹکے محسوس کئے گئے ہیں۔ تفصیلات کے مطابق...

میٹرولوجسٹ کے مطابق زلزلے کی شدت ریکٹراسکیل پر 3 اعشاریہ 6 ریکارڈ کی گئی جب کہ زیرزمین اس کی گہرائی 21 کلو میٹر تھی، زلزلے کا مرکز ڈیرہ بگٹی سے 40 کلو میٹر شمال مغرب میں تھا۔

یاد رہے کہ گزشتہ روز کراچی میں زلزلے کے جھٹکے محسوس کئے گئے تھے۔

زلزلہ کراچی کے شمال میں آیا ہے جبکہ زلزلہ کی شدت 3 میگنیٹیوڈ ریکارڈ کی گئی ہے۔

زلزلے کے جھٹکے کراچی کے شمالی و جنوبی علاقوں میں محسوس کیے گئے ہیں، زلزلے کا مرکز شہر سے 40 کلو میٹر شمال میں واقع گڈاپ تھا۔

ریکٹرسکیل پر زلزلے کی شدت 3 اعشاریہ0 ریکارڈ کی گئی ہے جبکہ  زلزلے کا مرکز 25.31 ڈگری شمال میں طول بلد اور 67.23 ڈگری مشرق عرض بلد میں واقع تھا اور اس کی زیرزمین گہرائی 10 کلومیٹر ریکارڈ کی گئ ہے۔

محکمہ موسمیات کے مطابق زلزلہ شہر سے دور کم نوعیت کا تھا تاہم خطرے کی کوئی بات نہیں ہے۔

اس ضمن میں میٹرولوجسٹ کا کہنا ہے کہ زلزلے کی شدت انتہائی کم تھی اور آفٹر شاکس صرف زیادہ شدت کے زلزلے کے بعد آتا ہے، اتنی کم شدت کے زلزلے میں نقصان نہیں ہوتا ہے۔