صدر پی ٹی آئی کراچی خرم شیر زمان نے کہا ہے کہ وزیر اعظم عمران خان کی انتھک جدوجہد سے پاکستان خوشحال اور کشمیر آزاد ہوگا۔

تفصیلات کے مطابق صدر پی ٹی آئی کراچی خرم شیر زمان نے جشن آزادی کے موقع پر پیغام میں کہا کہ جشن آزادی کے موقع پر پوری قوم کو مبارکباد اور شہداء پاکستان و کشمیر کی قربانیوں کو خراج تحسین پیش کرتے ہیں

خرم شیر زمان نے کہا کہ پاکستان لاتعداد قربانیوں کے طفیل وجود میں آیا، ہمیں اپنے بچوں کو ذہن نشین کروانا ضروری ہے کہ یہ ملک ایک نعمت ہے۔

اپنے بیان میں صدر پی ٹی آئی کراچی نے یہ بھی کہا کہ قیام پاکستان کی تاریخ میں قربانیوں کی ناختم ہونے والی فہرست موجود ہے۔

14 اگست ۔۔۔۔۔۔ ملک بھر میں آزادی کا جشن

خرم شیر زمان کا کہنا تھا کہ آزادی کی قدر آج کشمیر میں محسوس کرنی چاہیے، کشمیر میں بھارتی مظالم، فوجی محاصرے اور لاک ڈاون کی جتنی مذمت کریں کم ہے۔

صدر پی ٹی آئی کراچی خرم شیر زمان کا مزید کہنا تھا کہ یہ دن قومی اداروں پر قوم کے اعتماد کو تقویت دینے کے عزم کی بھی تجدید کرتا ہے، ملک کی بقاء کے لیے شہید افواج پاکستان کے سپاہیوں کو سلام پیش کرتے ہیں۔

یاد رہے کہ ملک بھر میں 14 اگست آزادی کے طور پر خوب جوش و خروش سے منایا جارہا ہے ، ملک کے ہر کونے میں ’پاکستان زندہ باد‘ نے نعرے لگائے جارہے ہیں اور آزادی کا جشن ہر ایک اپنے اپنے انداز میں منارہا رہے۔

ملک بھر میں یوم آزادی جوش و خروش  سے منایا جارہا ہے، کراچی سے خیبر، مہران سے بولان، پوری قوم ہوگئی یک زبان ہوگئی ہے اور سب کے لبوں پر دل دل پاکستان کی صدائیں، پاکستان زندہ باد۔