بڑی عید پر بڑی احتیاط کی ضرورت ہے ، شیخ رشید

شبین رضا

01st Aug, 2020. 10:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بڑی عید پر بڑی احتیاط کی ضرورت ہے ، شیخ رشید

شیخ رشید احمد کا کہنا ہے کہ عالمی وبا کورونا سے بچاؤ کیلئے بڑی عید پر بڑی احتیاط کی ضرورت ہے۔

تفصیلات کے مطابق نمازِ عیدالاضحیٰ کی ادائیگی کے بعد وفاقی وزیر ریلوے شیخ رشید احمد نے میڈیا سے گفتگو کرتے ہوئے کہا کہ بڑی عید پر بڑی احتیاط کی ضرورت ہے، میری حالت کورونا کے بعد ابھی تک بہتر نہیں۔

ذرائع کے مطابق شیخ رشید نے لیاقت باغ میں نماز عید ادا کی، لیاقت باغ میں نماز عید کے اجتماع میں سیکیورٹی کےسخت انتظامات کئے گئے۔

انہوں نے کہا کہ اپوزیشن تین چار مہینے ضرور شور شرابا کرے گی، کسی نےقانون ہاتھ میں لینےکی کوشش کی تو مولانا صاحب یہ پرانا وقت نہیں ہے، بلاول روزانہ پریس کانفرنس کرے، ہمیں کوئی فرق نہیں پڑتا، بلاول کی باتیں بچگانہ ہے۔

انہوں نے کہا کہ عمران خان حالات بہترکرنا چاہتا ہے، یوٹیلٹی اسٹور کا اسکینڈل آگیا توعمران خان انہیں معاف نہیں کرے گا۔

شیخ رشید نے مزید کہا کہ کشمیری اپنی جان پرلاک ڈاؤن سہہ رہے ہیں، پاکستان کے سائنسدانوں نے وہ کچھ بنا رکھا ہے، بھارت نیست ونابود ہوجائے گا۔