مرکزی ڈپٹی سیکریٹری اطلاعات پیپلز پارٹی پلوشہ خان نے شبلی فراز تعصب کی عینک اتار کر سندھ کو دیکھیں۔

تفصیلات کے مطابق مرکزی ڈپٹی سیکریٹری اطلاعات پیپلز پارٹی پلوشہ خان نے وفاقی وزیر اطلاعات  شبلی فراز کی پریس کانفرنس پر ردعمل دیتے ہوئے کہا کہ شبلی فراز نے خیبر پختون خوا دیکھا ہے لیکن سندھ نہیں دیکھا۔

اپنے بیان میں پلوشہ خان نے یہ بھی کہا کہ کراچی ولے سن لیں کراچی کے لیئے نیازی کی بیان بازی مگر مچھ کے آنسوو ہیں۔

مرکزی ڈپٹی سیکریٹری اطلاعات پیپلز پارٹی پلوشہ خان نے مزید کہا کہ عمران اور علیمہ خان نے شوکت خانم کا چندہ بیرون ملک بھیجا جبکہ جس دن بی آر ٹی پشاور کا اسٹے آرڈر ختم ہوگا اس کا ایک ایک انچ کرپشن کی گواہی دے گا۔

مزید پڑھیں

بارشوں کے باعث عوام ایک امتحان سے گزررہے ہیں، شبلی فراز

وفاقی وزیر برائے اطلاعات شبلی فراز نے کہا ہے کہ بارشوں کے...

واضح رہے کہ اس سے قبل سماجی رابطے کی ویب سائٹ پر اپنے ایک پیغام میں وفاقی وزیر برائے اطلاعات شبلی فراز نے کہا تھا کہ شہر کراچی کی عوام بارشوں کے باعث ایک بڑے امتحان سے گزر رہیں ہیں۔

وفاقی وزیر کا کہنا تھا کہ پوری قوم کی ہمدردیاں کراچی کی عوام کے ساتھ ہیں۔

شبلی فراز کا یہ بھی کہنا تھا کہ کراچی کی مدد کے لئے وفاقی حکومت اور اس سے منسلک اداروں کی جانب سے صوبائی حکومت کو ہر ممکن تعاون فراہم کیا جارہاہے۔

وفاقی وزیر برائے اطلاعات شبلی فراز کا مزید کہنا تھا کہ  شہر کراچی کے لئے بلا سیاسی تفریق ہنگامی صورتحال سے نمٹنے کیلئے تمام وسائل بروئے کار لائے جارہے ہیں۔