افغان مفاہمتی کونسل کے سربراہ عبداللہ عبداللہ کی وزیراعظم عمران خان سے ملاقات ہوئی ہے۔

تفصیلات کے مطابق افغان مفاہمتی کونسل کے سربراہ عبداللہ عبداللہ کی وزیراعظم ہاؤس آمد پر وزیراعظم عمران خان سے ملاقات ہوئی ہے۔

ملاقات کے دوران ملاقات میں دو طرفہ تعلقات اور خطے کی صورتحال پر تبادلہ خیال کیا گیا ہے جبکہ افغان مفاہمتی عمل میں پاکستان کے کردار پر بھی گفتگو کی گئی ہے۔

وزیراعظم سے ملاقات کے دوران افغان امن عمل پر بھی ملاقات میں گفتگوکی گئی ہے۔

ملاقات کے دوران وزیراعظم عمران خان کا کہنا تھا کہ ڈاکٹر عبد اللہ عبد اللہ کا دورہ پاکستان اور افغانستان کے باہمی تعلقات میں ایک نیا باب کھولنے میں معاون ثابت ہوگا۔

وزیر اعظم نے افغان امن عمل کے کامیاب نتائج کے لئے نیک خواہشات کا اظہار کرتے ہوئے کہنا تھا کہ افغانستان میں تنازعہ کا کوئی فوجی حل نہیں ،ایک سیاسی حل ہی آگے بڑھنے کا راستہ ہے۔

وزیراعظم عمران خان نے 12 ستمبر کو دوحہ میں انٹرا افغان مذاکرات کے آغاز کو سراہاتے ہوئے اس امید کا اظہار کیا کہ افغان قیادت اس تاریخی موقع کا بھوپور فائدہ اٹھائے گی۔

انہوں نے کہا ہے کہ جنگ بندی کے نتیجے میں ہونے والی تشدد میں کمی کے لئے تمام افغان جماعتوں کو کام کرنا ہوگا جبکہ پاکستان افغان تنازع کے حل کے بعد بحالی اور معاشی ترقی میں بھی افغانستان کی حمایت جاری رکھے گا۔

علاوہ ازیں پاکستان کے دورے پر آئے افغانستان چئیرمین افغان اعلی سطح مفاہمتی کونسل عبداللہ عبداللہ نے آج صبح انسٹیٹیوٹ آف اسٹریٹیجک اسٹڈیز میں افغانستان پر عوامی مباحثہ میں شرکت کی اور پالیسی سازوں, میڈیا اور تھنک ٹینکس کے حکام سے خطاب کیا۔