وزیرِ اعلیٰ سندھ نے اسد عمر کو خط لکھ دیا

شبین رضا

11th Sep, 2020. 04:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیرِ اعلیٰ سندھ نے اسد عمر کو خط لکھ دیا

وزیرِ اعلیٰ سندھ مراد علی شاہ نے وفاقی وزیر اسد عمر کو خط لکھ دیا ہے۔

تفصیلات کے مطابق وزیرِ اعلیٰ سندھ مراد علی شاہ نے اپنے خط میں کہا ہے کہ کراچی کو دنیا کا بہترین قابلِ رہائش اور محفوظ شہر بنانا ہے، یہ وفاقی اور صوبائی حکومت کا مشترکہ مشن ہے۔

خط میں انھوں نے لکھا کہ وفاقی حکومت نے کے فور منصوبے پر انکوائری کمیشن قائم کیا تھا جس نے کے فور سے متعلق سندھ حکومت سے تفصیلات حاصل کیں، اس کمیشن نے ذمہ داروں کے خلاف کارروائی کی تجویز دی۔

مراد علی شاہ نے کہا کہ انکوائری کمیشن کی وجہ سے بھی منصوبہ تاخیر کا شکار ہوا، دونوں حکومتوں نے طے کیا تھا کہ کے فور منصوبہ وفاقی حکومت مکمل کرے گی، اس لیے فراہمی آب کے میگا منصوبے پر جلد کام کے لیے اقدامات کیے جائیں۔

انھوں نے کہا ہے کہ دو سال سے مختلف وجوہات سے کے فور منصوبہ زیرِ التواء ہے، سندھ وفاق سے کے فور منصوبے کے سلسلے میں مکمل تعاون کرے گا۔