وزیرتعلیم و محنت سندھ سعید غنی نے کہا ہے کہ نیب ایک بار پھر پیپلز پارٹی کے خلاف سندھ میں احتساب کے نام پر انتقامی کارروائیوں میں مصروف ہے۔

تفصیلات کے مطابق وزیرتعلیم و محنت سندھ سعید غنی نے صوبائی وزیر سہیل انور سیال کے مرحوم والد کے گھر پر چھاپہ کی مذمت کرتے ہوئے کہا کہ ایک سوچی سمجھی سازش کے تحت صوبائی وزراء کو حالیہ بارشوں کے بعد جاری ریلیف کاموں سے روکنے کی سازش لگ رہی ہے۔

وزیرتعلیم و محنت سندھ نے کہا کہ سہیل انور سیال کے جس گھر پر چھاپہ مارا گیا وہ ان کے مرحوم والد کی ملکیت ہے جبکہ نیب اس طرح کے اوچھے ہتھکنڈوں سے اپنے کن آقاؤں کو خوش کرنا چاہتی ہے۔

سعید غنی نے یہ بھی کہا کہ آج تک پیپلز پارٹی کے جن جن رہنماؤں اور وزراء پر نیب نے الزامات لگائے ہیں کسی ایک پر بھی وہ الزام ثابت نہیں کرسکی ہے۔

وزیرتعلیم و محنت سندھ سعید غنی نے مزید کہا کہ اس طرح کی کارروائیوں کا اصل مقصد پیپلز پارٹی کا میڈیا ٹرائل کرنا ہے لیکن پیپلز پارٹی کی اعلیٰ قیادت سے لے کر ایک ایک کارکن اس طرح کی کارروائیوں سے گھبرانے والے نہیں ہے۔

دوسری جانب ترجمان سندھ حکومت مرتضی وہاب نے صوبائی وزیر سہیل انور سیال کی رہائشگاہ پر نیب چھاپے کی مذمت کرتے ہوئے کہا کہ آفت زدہ صورتحال میں نیب کا اس طرح کی کاروائی قابل مذمت ہے۔

NAB’s raid at the residence of Irrigation Minister Sohail Siyal at a time when he is looking after relief work in Districts Mirpurkhas, Umerkot & Badin is unfortunate & condemnable. This is a disaster situation & NAB could have sought information from the public representative

— SenatorMurtaza Wahab (@murtazawahab1) September 2, 2020

اپنے پیغام میں ترجمان سندھ حکومت مرتضی وہاب نے مزید کہا کہ صوبائی وزیر سہیل انور سيال  عمرکوٹ، میرپورخاص اور بدین میں سیلاب متاثرین کے لئے امدادی کاموں میں مصروف تھے، عوامی نمائندہ سے معلومات طلب کیا جاسکتا ہے مگر نیب کا طرز عمل قابل مذمت ہے۔

مزید پڑھیں

نیب کا صوبائی وزیر سہیل انور سیال کے گھرپر چھاپہ

صوبائی وزیرسہیل انور سیال کے گھر پر نیب ٹیم نے چھاپہ مار...

یاد رہے اس سے قبل قومی احتساب بیورو  نیب نے آمدن سے زائد اثاثہ جات کےمعاملے پر صوبائی وزیر سہیل انورسیال کی رہائش گاہ پرچھاپہ مار کر اہم دستاویزتحویل میں لے لیں۔

نیب ٹیم نے رہائش گاہ سمیت بیک وقت 2 مقامات پر چھاپے مارے، نیب ٹیم نے فرید آباد کے گاؤں اور دیگر2 مقامات  پر کارروائی کی۔