وفاقی وزیر برائے منصوبہ بندی ترقی اور خصوصی اقدامات اسد عمر کا کہنا ہے کہ حکومت کی اولین ترجیح ملک کوترقی کی راہ پر گامزن کرنا ہے ۔

 تفصیلات کے مطابق  وفاقی وزیر برائے منصوبہ بندی ترقی اور خصوصی اقدامات اسد عمر کی پاکستان میں مقیم جاپان کے سفیر متسودا کوننوری سے ملاقات ہوئی۔

ملاقات میں دونوں معززین نے دو طرفہ تعلقات  خاص طور پر کورونا وائرس کے بعد کی صورتحال میں معاشی تعاون کے نئے امکانات سے متعلق تبادلہ خیال کیا ۔

سفیر نے جاپان اور پاکستان کے مابین تعاون کو مزید فروغ دینے اور مشترکہ مقاصد کی تکمیل کو یقینی بنانے میں مدد کرنے کی خواہش کا اظہار کیا۔

جاپانی سفیر نے کہا کہ  وفاق نے  کورونا جیسے وبائی مرض کو بڑی حد تک قابو کرنے کے لیے منظم طریقہ اختیار کیا جو قابل ستائش ہے ۔

THREAD:

1/10
Ambassador of Japan Mr. Matsuda Kuninori called on Minister for Planning, Development & Special Initiatives @Asad_Umar. Both dignitaries discussed matters related to bilateral relations and new possibilities of economic cooperation in post COVID-19 situation. pic.twitter.com/Wzavf42Nsp

— M/o Planning Development & Special Initiatives (@PlanComPakistan) September 2, 2020

انہوں نے مزید کہا کہ  جاپانی شہری کورونا کے  وقفے کے بعد پاکستان میں مختلف اسائنمنٹس لینے  اب واپس آرہے ہیں۔  کچھ جاپانی سرمایہ کار اپنی صنعت کو دوسری جگہوں سے پاکستان میں منتقل کرنے میں دلچسپی رکھتے ہیں۔

وفاقی وزیر اسد عمر نے اقتصادی تعاون بڑھانے کے لیے جاپانی سفیر کی کاوشوں کو سراہتے ہوئے کہا کہ   حکومت نے ابتدائی طور پر مائکرو اقتصادی استحکام پر توجہ دی ، جو حاصل بھی ہوئیں  ۔حکومت کی اولین ترجیح ملک کوترقی کی راہ پر گامزن کرنا ہے ۔

اسد عمرن ے کہا کہ  معاشی اشارے مثبت ہیں اور ہم ترقیاتی اخراجات کو آگے بڑھانے کے ساتھ ساتھ نجی شعبے کی سرمایہ کاری کو بھی فائدہ پہنچانا چاہتے ہیں۔

ان کا کہنا تھا کہ پاکستانی اور جاپانی سرمایہ کاروں کو  ماہی گیری ، زراعت اور ٹیکسٹائل جیسے شعبوں میں اشتراک کے  امکانات کا جائزہ لینا چاہئے  ۔