گجر نالا ، تجاوزات ہٹانے کے آپریشن کا تیسرا روز

شبین رضا

04th Sep, 2020. 12:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گجر نالا ، تجاوزات ہٹانے کے آپریشن کا تیسرا روز

شہرقائد میں گجر نالے کے گرد تجاوزات ہٹانے کا آپریشن تیسرے روز بھی جا رہی ہے۔

تفصیلات کے مطابق گجرنالے کے اطراف میں قائم پتھارے، باڑے اور شیڈز کو گرایا دیا گیا ہے اور اب تعمیرشدہ مکانات اور رہائشی عمارتوں کا سروے کیا جا رہا ہے۔

اس بارے میں اسسٹنٹ کمشنر نارتھ ناظم آباد ارسلان سلیم کا کہنا ہے کہ چھوٹی موٹی تجاوزات ہٹانے کا کام مکمل کرلیا گیا ہے اور اب رہائشی مکانات اور کاروبار کی جگہوں کا سروے کیا جا رہا ہے۔

اسسٹنٹ کمشنر کا مزید کہنا ہے کہ اس بات کا اندازہ لگانے کی کوشش کر رہے ہیں کہ گجر نالے پر تعمیر عمارتوں کو گرانے سے کتنے لوگ متاثر ہوں گے اور ان کو دوسری جگہ منتقل کرنے کیلئے متبادل کے طور پر کتنی زمین درکار ہوگی۔

واضح رہے کہ گزشتہ روز بھی آپریشن کے خلاف احتجاج کیا گیا تھا لیکن تیسرے روز انتظامیہ نے لوگوں کو یقین دلایا ہے کہ جب تک متبادل جگہ کا انتظام نہیں ہوتا مکانات نہیں گرائے جائیں گے۔

یاد رہے کہ اس نالے کے گرد23 ہزار کے قریب مکانات تعمیر ہیں۔