وزیر اعظم عمران خان نے ترلائی میں ماڈل پناہ گاہ کا دورہ کیا۔
وزیراعظم آفس کی جانب سے جاری کردہ بیان کے مطابق وزیر اعظم عمران خان نے ترلائی میں قائم ماڈل پناہ گاہ کا دورہ کیاہے۔
اس موقع پر اسد عمر، مراد سعید ،شہزاد اکبر ، معاون خصوصی زلفی بخاری، علی نواز اعوان، راجہ خرم نواز اور دیگر اعلی عہدیداران بھی وزیراعظم کے ہمراہ تھے۔
وزیر اعظم نے دورہ کے دوران پناہ گاہ میں مختلف سہولیات اور انفراسٹرکچر کا جائزہ لیااور سہولیات کی فراہمی کے حوالے سے دریافت کیا۔
وزیراعظم نے پناہ گاہ میں مقیم افراد سے بات چیت بھی کی اور بعد ازاں انہوں نے پناہ گاہ میں مقیم افراد کے ساتھ کھانا بھی کھایا۔
Advertisement
ڈاکٹر ثانیہ نشتر، ایم ڈی پاکستان بیت المال عون عباس بپی اور وزیراعظم کے فوکل پرسن برائے پناہ گاہ نسیم الرحمان نے وزیر اعظم کو بریفنگ دی ۔
ترجمان وزیر اعظم آفس کا کہنا ہے کہ شیلٹر ہوم ایک ماہ سے بھی کم عرصے میں دیہاڑی دار مزدوروں کے لیے معیاری خدمات انجام دے رہا ہے۔
ان کا مزید کہنا ہے کہ آئندہ تین ماہ میں وفاقی دارالحکومت کی تمام 5 پناہ گاہوں کو ری ماڈل کیا جائے گا ، بعد میں بتدریج پورے ملک میں پناہ گاہوں کو ری ماڈلڈ پناہ گاہیں بنایا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
